تكفون شوفوا لي حل مع حرارة التريل بليزر - ماجلان - فني الشيروكانت مانستغني عنكم
 

السلام عليكم
شهركم مبارك ... أختصارا لوقتكم الكريم مشكلتي مع الحرارة كالتالي
سيارتي تريل بليزر 2007 دبل لونه اسود
في الشتاء والخطوط الطويله خذلك ولد وبهالصيف خذلك عجوز

الحرارة بدون المكيف ثابته فوق النصف بنصف شرطه واذا جرت علي الموتر تتعدى النصف بشرطه واحده
لكن مع المكيف مصيبه توصل فوق النص بشرطتين في الظهر او الزحمه او مع الوقوف لفتره طويله ولاتنزل الا اذا مسكت خط او كان الجو بالليل وخفت الزحمه
. الان اللي الاحظه اول مااطفي السياره واشغلها القى الحرارة على الربع الثالث وتنزل على خفيف الي فوق النصف بشرطه وتجلس فتره طويله
بالاضافة مع بداية التشغيل اذا كانت السياره لازالت حامية صوت احتكاك قوي في المكينه .. وديتها ورشه الشباب في صناعية العاصمة قال لي الفني هذا الصوت بسبب حرارة السياره لازم تعالجها
وعلاجها مالقيناه يالربع
غيرت بلف حرارة - سيخت رديتر - غيرت مويه اصلي - غيرت غطاء الرديتر - فرغت دبة الشمكان لانه امريكي
ومكانك سر
كلتشات المروحه سليمه وطرمبة المويه برضه مااتوقع فيها مشكله
سيارة خويي نفس سيارتي ومع الحر وفي عز الظهر حرارته على النص ماتطلع واذا طفي السياره وشغلها تكون الحرارة تحت النص بشئ بسيط مو مثلي
تكفون شوفو لي حل او دلوني على ورشه سنعه
لاحد يقول لي ركب مروحه ... بليزر خويي مافيه مروحه وماعنده حرارة
للعلم السياره قطعت 130 الف ميل - قبل 9 اشهر نظفت الثروتل - غيرت البواجي - غير الفلتر