السلام عليكم

والله ماني عارف من وين ابدأ بكلامي .. لكن لأني شفت قبل فترة دكتور موجود معنا بالمعهد
قلت اطرح مشكلتي هنا لعلى وعسى يدخل ويقرأ الموضوع ويجاوب عليه !!


المهم اني بديت انسى اشياء كثير اسويها بيومي وشغلي
لدرجة ان أمس كلمني الوالد الظهر وقال لي لا تنسى تروح تجيب اهل آخوكـ للبيتـ

المهم اذن المغرب والا يتصل علي رحت ولا باقي ؟
قلت له : وين ؟
قال : بيت اخوكـ
قلت له : لا ما رحت
قال ليه : قلت محد قالي !
قال انا اتصلت عليك وبلغتك ! < انصدمت والله ، وبالاخير تذكرت وانحرجت


والمهم الا اليوم العصر اروح البروست اطلب همبرجر وارجع للبيت ، وادخل الغرفة ونزلت للدور الارضي
لقيت عمال عند باب الشارع ينضفون السيارة للوالد ، المهم شوي قابلت اخوي واخذت سيارته ورحت صورت لي اوراق

شوي اخذت ادور في ثوبي ع مفتاح السيارة اللي معي ما حصلتها ، طلعت لغرفتي دورت ماحصلتها
رحت لسيارة اخوي قلبتها فوق تحت ماحصلتها ، رحت للشارع ادور مكان موقف السيارة ماحصلت
انلحس مخي وعاد بكرة عندي موعد ، قلت شكلي ماراح اروح بالسيارة هذي .. :no:

ويأذن العشاء واروح لمحل التصوير وادور عنده المفاتيح ولا حصلتها ، عفست البيت فوق تحت ولا حصلت شيء
شوي قلت ادور بالمكتب جلست احوس تقريباً 10 دقايق ، الا شوي ارفع الفاين والاقيها موجودة

رحت شربت عصير فروالة عشان ابرد ع قلبي :nosweat:

قسم بالله وقتي كلها حووسه ع المفتااح ، احس بالي مشغول مقدر اتكلم مع احد وفيه شيء شاغلني

ابوي ناداني اليوم وقال لي وش فيك انت ؟

قلت ابد سلامتك .. قال صاير تنسى كثير ، قلت ملاحظ هالشيء لكن ماتوقعت يوصل للدرجة هذي .


لا اخفيكم انا كثير التفكير وافكر بأشياء فيها مستقبلي وحياتي ..

بصراحه بحثت بقوقل عن علاج ماحصلت شيء يساعد ، مدري وش اسوي بذاكرتي لو تتغير كان بركب لها هارديسك 500 قيقا :nosweat: