منتدى استراحات زايد - عيميه.. شو يعني عيميه.؟!!..!؟؟!

شيخه : سيف ابا اصارحك بشي ولازم تعرفه

سيف : تصارحيني ... امري يابعد عمري صارحي

شيخه : سيف انته تدري اني احبك .. بس لازم تعرف شي واحد عني

سيف انته بدوي وانا .. وانا ...

سيف : وانتي شو .. شو السالفه حياتي

شيخه : سيف انا عيميه ... انا عيميه .. وانته بدوي وتعرف ..

سيف : ههههههه شو يعني عيميه ؟ انتي مو من الامارت

شيخه : ابلا اماراتيه .. اكيد بس اصولي عيميه

سيف : اقول سمعيني بالعيمي كلمه احبك وانا بقولها لج

شيخه : ههههه شو بدينا نطنز

سيف : افااااا فديت روحج شو اصلج وشو فصلج ما يهمني يكفي قلبج يحبني وقلبي يحبج .. في الحب مافي شي اسمه اصول وفصول

والله لو اصلج ايطالي .. او حتى كوكب المريخ بعدني احبج شو يعني عيميه

ممم اقول تبيني اسمعج شي

شيخه : قول

سيف :

عيميه ؟ شويعني؟ يكفي انج تحبيني
دامج بنت بلادي قولي شويعني عيميه؟

ماهمني اصل وفصل ماهمني صدقيني
ماهمني غير اصل قلبج الطيب عليه

قوليها كلمة احبك وبالعيمي سمعيني
ياحلاتها لي جت منج يااغلا كل مافيه

يكفي لي تبسمتي اضيع بزحمه سنيني
وارجع طفلن صغير .. واقول ابيها هيه

ابيج انتي ابي حضنج يلمني ويدفيني
وابي عينج تناظرني وايدج شابكه بيديه

وابي حتى ظلج ابد مايفارج عيني
وابي حتى انفاسج تكون وحدي ليه

ابيج تاخذيني ابعيد من العالم تنسيني
ابي اعيش وياج كوكب اسمه رومانسيه

وانا حاضر تحت امرج لج روحي ومافيني
ولج دنياي ولج عمري ولج قلبي هديه

ولج وقتي ولج حسي ولج ماتملك ايديني
ولج شوقي ولج فرحي ولج عيني عطيه

انا كلي لج اصلا اخذيني عذبيني ارميني
وسقيني مر العذاب بلا رحمه وهنيه

يابنت الناس انا احبج وادعي الله ايعيني
واقول يارب يارب .. تجمعني ويا هالبنيه

اصولج يابنت ماتهمني ولا كل البلاديني
فرنسيه تركيه او حتي كنتي عربيه

تحبيني تحبيني اشوف قلبج يناديني
يقولي سيف احبك وقلبي يقول ياحيه

ابي الناس تسمعني وابيج انتي سمعيني
انا بدوي ياناس وعاشق واحب عيميه

منقوووووووووووووووووووووووووول..