منتدى استراحات زايد - مقناص الشيبان والتحدي بينهم ومكرهم في الشباب

بسم الله الرحمن الرحيم
السلام عليكم ورحمه الله وبركاته

كنا في رحله مقناص انا واحد من اصدقائي الشيبان ومعنا واحداً من جماعته شباب في الشمال عساه السيل ومقناصنا كان في اخر الوقت ومعروف الوقت هذا تقل فيه الحبارى ويكون وقت رجعه الكراوين وانا طيوري ماهي حقت كروان وقلت لرفيقي الكروان لك والحبارى لي مع ان طيره يذبح الحبارى وفاعل فعل طيب ورفيقنا الثاني معه طير كروان مثلوث حر وكنا ثلاث سيارات وقال رفيقي الشايب اتصل صديق لي من الرياض وقال انه جاي واعطيته احاثيتنا وهذا صديق الطفوله من ايام حنا صغار قلت الله يحييه ومن اصبح الصبح الى الجهاز يصوت وينكم ياخويان ويحضر والعوده يسلمون على بعضهم ونتعارف بهم اله شايب معه طير حر ومعه ولده والولد معه جبليه ونقنص سوى وحسيت ان الأمر فيه مزاود بينهم انتم يالشيبان على الصقاره والصقور ان طيري اطيب من طيرك وطيب الطير من طيب راعيه والضيف عصبي شوي
وحار ومسكت رفيقي الشايب على جنب وسألته عن العلم قال اطلع انت منها انت منت هاد على الكراوين هذي بيني وبينه نبي الهدد كله لنا مانبي عيلنا يدرون العصبي معه ولده بسيارته ومعه طير جبلي ورفيقي ولده معه في السياره ومعه وكري والي في السياره الثانيه رفيقي يصير عمه ومعه مثلوث حر والشيبان نوت الخيانه على عيلهم الشباب والحيله ان الشايب العصبي انتخي براعي المثلوث افزعلي على فلان لاتخليني وعيا قال ابي افزع لعمي وقالي تكفا افزعلي بعد عرفت المخطط طاوعتهم وقلت انا احكم بينكم هده له وهده لك وابتدا سناريو الفلم وكنت اميل للعصبي شوي محافظه على توازن القوه ولقينا بحومتنا هذي كروانين قلت واحد لك واحد له الهدد عند من منكم قال رفيقي عندي وكل واحد خايف ان خويه يلحق عليه ويلقأ على رفيقه درب وابتدت المعركه الضروس

http://im30.gulfup.com/2012-07-14/1342247008461.jpg

اثنين من الكراوين

http://im30.gulfup.com/2012-07-14/1342247008112.jpg

هذأ واحد منهم

http://im30.gulfup.com/2012-07-14/1342247008793.jpg

وهذأ تم عزله عن خويه

http://im30.gulfup.com/2012-07-14/1342247008514.jpg

مأشأ الله ولأقوة الأ بألله برشوت تعليق سمأ وهدد مسكت

http://im30.gulfup.com/2012-07-14/1342247008755.jpg

يسلم الطير وراعيه

http://im30.gulfup.com/2012-07-14/1342247008846.jpg

الرجاء عدم الرد حتى اكتمال الموضوع