|
في كشتتنا لفانا ضيف ثقيل طينه وفكنا الله من الموت السلام عليكم ورحمة الله وبركاته كيفكم يا جماعه انشاء الله طيبين؟؟؟ وكل عام و انتم بخير بمناسبة قرب الشهر الفضيل الله يجعلنا وياكم من صوامه و قوامه ياربي يا كريم الاسبوع الي راح يا جماعه اتفقت انا و الربع رجال شرواكم اننا نطلع نصلح عشانا في البر و نستانس ونسمر المهم اجتمعنا و طلعنا في طعيسات حول سدير و كانت طبيعةالارض الي كنا جالسين فيها فيها ضلع وفيها نفود وارضها مليانه حرمل المهم فرشنا فرشتنا فوق ذيك الطعيسات وكان الجو روعه واول ما جلسنا ذبحنا عقرب سودا كبيره وشبينا على عشانا المهم كنا حاطين جمر وجالسين نشوي حمام و الكاتم يتستس وسطه رزيزه ويامال العافيه يا احمد على ذيك الطبخه الزينه المهم مالكم بطويله وحنا جالسين وحمامنا على الجمر نشويه كانت المفاجئه؟؟؟؟؟؟؟؟ لفانا الضيف الغثيث الي ماحسبناله حساب والله لا يحييه من ضيف شوي الا واحد من الربع يصيح الداب الداب الداب ؟؟؟؟؟ المهم و نتطامر الا الداب تحت رجل واحد من الربع فكه ربي سبحانه من شره وفعلا سبحان الله الثعبان مامور و الحمد لله كان الكشاف في مخباتي وهاذي فايدة الكشافات القويه و الصغيره يا جماعه في البر نصيحه اخو الكشاف لا يفارق جيبك لانك ما تدري وش بيصير المهم واولع الكشاف علي الداب الاهي ام جنيب :( ولاهيب اي ام جنيب والله يا جماعه يا فيها كبر غير طبيعي اول مره اشوف ام جنيب بلحجم هاذا تقريبا طولها متر وزياده وعريضه :eek: ويوم حست بلخطر وهي تزبن تحت شاص حق واحد من الربع وزين ان ربعنا كنهم شيبان كل واحد معه عصاه :D ويسحبونها من تحت الموتر وياساتر استر قامت تهوش :( بخخخخخخخخخ بخخخخخخخخخخ بخخخخخخخخخ انا طقتني ام الركب يوم تبين حجمها وصوتها :( :eek: مسكناها وحطيناها في علبه و اخذها واحد من ربعنا و الحمد لله عدة سليمه المهم يوم قصينا اثرها عقب ما مسكناها الا هي جايه ناصيه الحمام الي على الجمر نصو شكلها طاقها الجوع :D ولافه على جلستنا وماشيه من ورا ضهورنا وحنا جالسين لاكن ربي سبحانه كاتب لنا عمر فكنا الله وفك الله الحمام الي على الجمر وهي اتوقع يوم حست بحرارة الجمر انحاشت ولفتنا المهم اكلنا الحمام و الحمد لله مافينا الا العافيه :D مايستفاد من الموضوع الكشاف يا جماعه في البر وخصوصا في الليل لا يفارق جيبك و العصى لا تخليها بعيده عنك خلك كنك شايب :D وتقبلو تحياتي |
| الساعة الآن 08:31 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir