[center]واحد ٍ ما ساق ماله في تيوته = ما قنا له موتر ولا لف طاره

جيب جكس ٍ يطرب الولهان صوته = سبعه وتسعين موديل الصداره

الهدد لو هربت صوفة زيوته = وانكسر عموده وزاد الحراره

شيك وسط الجيب للي قل قوته = لا عصاه الحظ والا الوقت جاره

اطيب من اللي حياته مثل موته = ماعرف وشلون يدخل في الحضاره

شاته الحظ الردي عشرين شوته = واشترا موتر مايصلح في دياره

الربيع وفلة حجاجه تفوته = يوم راع الصنف قام وشب ناره

لو عطاه الله بنوراما وحوته = ماتهنى في الربيع ولا خضاره[/center]