|
وشَ فآيدتهآ الروح َ : و " القلب ميتَ " ؟ السلام عليكم ورحمة الله وبركاته . . وشَ فآيدتهآ الروح َ : و " القلب ميتَ " ؟ اليوم : 7 – 11 – 2012 لامس احساسي القليل من الملل ، فأحببت تداركه بما هو فضيل لمقامي .. كمآ تعلمون الوقت لآ يقدر بثمن ، فهو جزء من حياة اي مخلوق فـ لذلك حينما لآمسني تلك الذي يكنا بالملل ، اردت ان القدم شئ جميل في هذآ الوقت ، وان لآ الخسر والندم ..، احبتي هنا متنفس لـ " قلب طير " [ اول ماخطه قلمي ].. احداث بعضها واقع وبعضها خيآل ،،، كل مآعليكم المرور خلف متصحفي ودعمي ولو حتى بكلمة ،، فأنا الشكر من يشكرني.. على كل حآل ان لم اتلقى جمهووور كمآ اتمنى [ ستحذف ]... ملآحظة اخرى : انا ابرئ نفسي من الذي يترك صلاته او عمله او اي شي لأجل قراءت حروووفي ... [ الهم اني بلغت الهم فشهد ]. ، همسه للجميع : لا احلل لناقل دون ذكر المصدر ليوم الدين .. ومعلومة : [ لآ احب النبذات والمقدمات ، بل احب الاكتشاف ]... " الرواية ستكون بالعامية " ... ....................... كونوا بالقرب دائماً ..... [ قلب طير ] ....... |
وشَ فآيدتهآ الروح َ : و " القلب ميتَ " ؟ ........................................... " البارت الأول " راشد : تولهت عليج حبيبي .. انا : ههههه يالله الا هم يومين ، مسرع .. راشد : يومين بنسبه لج هب لي زييييين .. انا : لهدرجة يعني ناط عرج الشوق عندك .. راشد : بعد ربج كتب على قلوبنا الحب شوو نسوي .. انا : ههههه يالله يا الحب انت .. راشد : لا تستهبلين عااد والله اناا مشتااااق بس هب لج.. انا : نعم نعم نعممممم ، عيل لمنوو انشاء الله .. راشد : للي قااعد اكلمهاااا ، تراني احبهاااا وااااااايد .. انا " مستحيه مووت " : ههههه لاتستهبل عاااااد .. راشد : اونها اونهاا استحت ، زييييين اشرايج ايج الحين .. انا : الحييييييييييييييييين .. راشد : هيييه الحين شراايج ..؟ انا : بس الحين بليل ، لأ لاتي تعال باجر.. راشد : حراام والله عليج انا اباج الحين تقوليلي بااجر ، شوها .. انا : بس الحين فليل والطريج ظلمة وبعييييد .. راشد : ياا بختي يااا بختي اناا دام نااااااس يخافوون علي .. انا " قافطه " : ههههههه انت لا مسخن اليووم شكلك .. راشد : خليني اي لج عاااد ، يالله قولي هيه , بي صاارووخ بيت هلج .. انا : اممممممممممممممممممممممممم بفكر .. راشد : تفكري شو تفكري ، ما يبالها تفكييييير .. انا : اقوولك خلني الفكر ولا تراني بهووون هاا .. راشد : لآلا لا لا ، خلااص فكري بس لا تهونين .. بعد ثواني / راشد : ها فكرتي ...؟ انا : لا اسكت بعدي الفكر .. راشد : ها فكرتي ...؟ انا : لا بعدي الصبر شوووي .. راشد " سنة لين ما تفكر " : ها فكرتي ..؟ انااا : اممممممممم خلاص تعااااال .. راشد : ياااا حيج الحين ياي صاااااااارووخ .. انا : شو صااروخ بفلعك ، شوي شوووووي .. راشد : عشان خاطرج بسوق 40 بس المهم اوصل .. انا : ههههههههه زين يالله اترياك .. راشد " يتمشط ويلبس الكاب " : زين اقوولج قلتي لهلج انج حااامل .. انا " ويهي احمر واخضر " : لا بعدي ، بعد شوي بقولهم .. راشد " متشقق " : تعرفين اني اسعد انساااااان .. انا : دوم انشاء الله ، يالله انا بسكر وشوي شوي فدرب .. راشد " فرحان " : من عيوووني ، يالله مع السلامة .. انا : مع السلامة [ يا يه بسكر ] .. راشد : لحظه .. انا : هممممممم .. راشد : احبج ، احبج ، احبج .... و طوط طوط طوط [ سكر ] .................................................. .................... >> انا ، [ سرحانه ] محد يتصور سعادتي / فرحاااااانه مش الا بس فرحاااااااانه بمووووت فرح ، قلبي يطرب يرقص من الراحه و الحبب ، وخاطري الصارخ لكل هالناااااس انا اعشقه اعشقه ياااا ناس هـ الأنسااااااااااااان .. ما في مثل طيبته وحنانه وقلبه الكببببير الي لا ياخذ ولا يشيل قطرة حقد .. جميل خارج وجميل داخل وجمييييييل بكل حالاته ، عمره ما ظر حد وعمره ما غلط ع حد بكلمه او ساء لأي شخص ، يا حظي يا حظي فيييييك يا راشد .... تقطع سرحاني .....! رماني " مريم اختي بس نحن ندلعها رماني " [ تزقرني ] : ذكرررررررررررروه باااااااااااابااااا وين وصلتي .. انا " صحيت " : هااااااااا ولاشي ولاشي ... رماني : باين ولا شي ، بس ماعليه لاتمين واقفه هناك تعالي عندنا .. انا " كنت برع البيت احوط في الحوي " قلت لها : زييين الحين يايه .. دخلت هي وسكرت الباب و >> انا : كل الي سويته رصيت بأيدي اثنتين ع الفون و ابتسمت مع تنهيدت فرررح .. .................................................. ................................... انا " دخلت الميلس عند هلي " : السلام عليكم .. الجميع : وعليكم السلام .. رماني : الي كان ماخذ عقلج يتهنابه .. انا " قفطتني " : يااا طفسه محد ماخذ عقلي تطمني ، كنت سرحانه فيييييج .. رماني : ياااشين الكذب ، الله واكبر كان كنتي سرحانه فيني .. انا : حرااام يعني السرح .. رماني : لا ما حرام تسرحين بس حرااام نشوفج نحن تسرحين بناس ونحن ماعندناا نااس ، حسي فينا شوي .. انا : هههههههههههههههه ويا ويهج ، زين بي اليووم الي تسرحين فيه بنااس .. رماني : آميييييييييييييييين الله يسمع منج .. امي " تدق رماني ع راسها بشوي شوي " : اثقلي منو هالنااس بعد والله انكن استخفيتن .. رماني " تبتسم بغباء " : اميه امييييه عااااااد ، انا ماسويت شي بس قلت آميييين .. امي : يا غلاستج بس قلتي آمييييييين ، واذا ع جي بعد انا بقول آمييييين الأني ابا الفكاك منج .. كلنا ضحكنا ع هبال اختي رماني و نغزات امي ... نبذة بسيطة : امي تفهمنا من غير اي كلمة ، الأنها ربتنا كبرتنا سهرت ويانا ليالي واياام وسنين ، نمرض تدور الدنيا عشان تودينا المستشفى .. محد كان يهتم فينا او يراعينا من بعد وفاة ابوي او حتى يصرف علينا .. ابوي كان متزوج 3 ، وحدة توفت ويا بت ولد وبنتين ، والثانية " كانت امي " ويابت 9 بنات ووحده توفت .. والثالثة تزوجها ابوي الأنها بنت خاله ومطلقه .. ففي هذاك الوقت كان لازم اي ولد خال او عم يستر ع بنات عمه .. فخذاها ابوي عشان يستر عليها ويابت منه 3 اولاد و3 بنات .. يعني عددنا كله 13 بنت + 4 اولاد = 17 >> ماشاء الله .. كنا في البداية كلنا نعيش فبيت واحد لين ما عرسو خواتي الي من ابوي من الحرمة الأولى .. وتم اخونا بس ويانا وعقبها بفترة بسيطة وايد من عرسهم اثنتين توفى ابوي .. وبحزتها اخوي كان عمره 18 خريج ثانوية عامه .. ونحن كنا صغار بعدنا تونا في الأبيتدائيه .. يوم وفات ابووي / يوووم لا يمكن اني انساه .. كنا مخلصين المدرسة والحين اجازة الصيف ومستانسين وااااااااااااايد ..، وفي نفس هذا اليووم رايحين المدرسة نييب الشهايد ، وعاد انا وخواتي مستانسااااات كلنا ناجحين ودرجاتنا حلوووة ، وفرحانين كنا في الباص نرمس ويا بنات الفريج و متحمسين ونطالع شهايد بعض ونغني و نصفق ، لييييييييييييييييين الحظة الحاسمة ، وقف الباص قدام بيتنا وانا مستانسه براوي ابووي الشهادة .. براوي امي ..، ونزلنا نركض من الباص للبيت ، ودخلنا واحنا كلنا امممممممممممل ، كلناااااااا فرح .. كلناااا حماس وطمووح واراده .. >> دخلنا البيت و ياليتنا ما دخلنا ....... شفنآ امي [ تصاااااااااااااااااااااااااااااااارخ وتصيييييييييييييييح و حريم تارسات البقعة ... / انصدمنا وفي ويهنا مليوووون علامة استفهام واعتقد كل وحدة من خواتي كان في خاطرها [ ليش امي جي .؟ ، شو صاير ] .. قمنا انا وخواتي نطالع فيس بعض .... ورحنا عند امي ، وهي تقول ............... امي : آآآآآآآآآآآه آآآآآآآآآآآآآآآآآآآآآآآآه يا فوادي يا حسرتي ع بناتي كيف بربيهم الحيييييييييين ، رااااح رااااااااح .. آآآآآآآآآآآآآآآآآآآآآآآآآآآآآآآآآآآه آآآآآآآآآآآآآآآآآآآآآآآآآآآآآآآه .... [ تصااارخ من قمة راسهآ ] .... وكل حد في زاوية منطوي ويصيح والدمعة بخده ...... في البداية انا ما فهمت شو الي صاير بس كنت مصدومه وفيني صيحه ، فرحت عند خالوة " جارتنا " .... كانت هي كبيرة وانا صغيرة ... فرحت مسكت عباتها من طرف ومطيتها عشان تصد علي ...... خالوة " صدت علي " : هلا حبيبتيي هلا حيآتي وتبوسني ع خدي .. انا " مصدوومه " : خالوة شو الي صاير ، ليش امي جي ، ليش الناس اهني في بيتنا ، ليش كل حد حزين ويصيح .. حتى انتي حزينة .. خالوة لاتجذبين علي قوليلي الصدق ابوي فيه شي ، حد من اخواني صار فيه شي .... خالوة " ملامح حزينة " : لا حبيبي بس نحن يايين نقعد وياكم .. انا " ماصدقت " : خالوة لاتجذبين قوليلي الصدق ، شو الي صاير ، انا وخواتي يايين نراوي امي وابوي شهايدنا بس امي تصيح ....... ليش خالوووة شو الي صاير .. قوليلي الصدق لاتجذبين خالووة ، الله يخليج لاتجذبين .. خالوة " وكل علامات اليأس بويها " : ابووج مات حبيبتي ... انا " مصدووووووووووووووووووووووووووومه طالعت خالوة بدون ولا كلمة وسرت " >> كيف الدنيا غريبة ما وحالنا نفرح ، غاب الفرح .. وما وحالنا نشوف الأمل ولا انمحى .. يا غربة الدنيآ يا غربة الدنيا ... انا في ايدي شهادة ونتايج حلوووة دخلت وكلي امل ان امي وابوي بيستانسون بشهادتي وشهادة خواتي و اخواني ..... دخلت وكلي رجا من الله يكمل فرحتي ..... بس كل الي صار هدمني ، حطمني ، خلاني اشوف الدنيا سوده مالها طعم ، مالها لوون ... المكان كان ضيق والناس وايده والحزن يغطي الجو ... و يوفي انا يحترق ، يتقطع ألم .... وخواتي في صدمه .... والدمووع غرقت بيتنا ....... رحت لخواتي ... وهم يسألوني ويهزوووني ويدزوني من كل ناحيه [ يحاولون يصحوني من صدمتي وفي نفس الوقت يعرفون شو الي قاعد يصير ].... خواتي : ذكرررررررررى ، ذكرووووووووووووووه ... بلآج خبيرنا شو صاير ... انا " ما حبيت اقول بس بـ الأخير بيعرفوا " بكل حزن وصوت عالي شوي قلت : شو تبووووووووني اقووول .. شو تبووووني التكلم .... ابووووووووووووي مااااااااات ابووووووووووووووي راااااااااااااااااااح .. انتوا تفهمووووووون.....! ابتسم قدام خلق الله كثير بس فيني حزن اكثر || اكتمه آتظاهر بالفرح || واني بخير والحقيقة عند نفسي مؤلمة صارت الدنيا سراب ابلا مصير صارت الدنيا بوجهي مظلمة صارت الدنيا علينا تستدير راح ابوي وجت هموم منضّمه كنت اشوفه غير كل الناس غير قبل يحكي يعلم الله افهمه كنت اشوفه بيننا مثل الأمير كنت ادعي ياعساني ماعدمه كنت كل ماغاب ادعي واستجير وآترجا بس شوفة مبسمه لاتروح وتترك (ا)وليدك سهير او خذه وياك احسن وارحمه الحياة ابدون وجهك وش تصير ؟!!! ياحبيبي فيك حزني ماعظمه كيف شيب الوجه بيّن بالصغير والبياض اشلون باين مُعظمه هذي اول رحلتي ..و وضعي خطير والظروف الحين صارت مُبهمه شلت هم وكنه الهم الكبير وشكل هذا الهم بس مقدمه كل ما احلم حلم من بعدك يطير مابقى لي حلم اصلا احلمه من بعد فرقاك ودموع تسير عظم الله فيك اجري عظمه صدر فارس بحر هم ٍ مستثير لو كتم بالصدر يطلع من فمه يذكرونك كل خلق الله بخير كلهم قالوا عسى الله يرحمه ياعسى الفردوس مسكنك الاخير عند رب البيت مابين انعمه والا انا يابوي قلبي قلب طير ابتسم والحزن فيني اكتمه تشتتتنا ، انصدمنا كلنا .... محد قدر يقوي قلب الثاني .... كلنا بنات وكلنا نعشق ابوونا ولمسة حنانه لنا .. حبه لنا احتوانا من كل ناحيه / ابوي العطوف الحنون الطيب [ راااااااح ]......من يصدق ,, بس ما اقوول غير / الله عليج يا دنيا الله عليج ...... و خلصت ثلاث ايام العزى وطافت سنين وسنين / وامي تحملت مسؤليتنا وكانت تحاول قدر المستطاع ماتقصر علينا .. واخوي الكبير ، اخووووي حبيبي , حياتي , قلبي , وكل ما املك ... هو كان لنا سند من بعد ابووي .. كان لنا الأب والأخ و العم والجد والخال .... كان قد المستطاع مايقصر علينا بشي ..حتى ما كمل دراسته .. الظروف حدته ع انه ع طول يشتغل ... عشان يعيشنا .... ونحن هم ومسؤولية كبيرة ... بس عمره ما بين لنا ان نحن هم ع قلبه او انه مايقدر يستحملنا .. كان طويييل بااال لأقصى حد .. ويسمعنا ويطلعنا واذا بمقدرته يسفرنا مرات بعد .. بس اماكن قريبة يعني ....... ع كل حال هذآ حال الدنيا تروح ناس وترجع ناس ووو كل شي يتغير .. مافي شي يتم ع حاله .... في الأخير الحمد الله لك يا رب ع كل حال .. .................................................. .................................. نرجع للحاضر في الميلس قاعدين ونشرب قهوا وشاي ... والأكل ع السفرة من كل ماتشتهيه الأنفس ... الكل حاضر : شيخة و مريم ، وشوق ، هند ، طيف ، نورة ، عهود ، سميرة ، ريم ، لطيفة ، هنوف ..>> خواتي .. عبد الله و علي و أحمد و سالم ...>> اخواني واخوي الكبير [ سالم ]... وفي الرواية بيكون اسمه " اخووي " .. اخوي : وشخباركم يا حلوات يا اميرااااات ..؟ احنا كلنا ما عادا هنوف : زينين الحمد الله .. الهنوف " اونها مبوزه " : الا انا ما زينة .. زعلااانه .. اخوي " يبتسم ع شكلها " : ليش زعلانه الحلوة بعد .. الهنوف : لاااا تسويلي فيها حلوة ما حلوة وتدهن سيري .. اصلن انا اعرف اني حلووة وجميلة .. بس من الأخر منو الي قايل بيوديني السوووق اشتري لي ملابس التخقق فيهم...>> الهنوف وحدة تحب تتكشخ وتتعدل وتعشق السوق و الملابس وماتحب حد يكون احسن منها في المظهر ...هههه اخوي " يضحك عليها " : سامحينا الشيخة هنوووف انشغلنا وماوديناج السووق بس بااجر بااجر انا مودنج يعني مودنج و بخلي كل شي عشانج .. بس انتي امري وتدللي .. وشبيك لبيك سلوم بين يديدك...... ضحكنا كلنا ... هنوف " اونها رافعه خشمها ولآ شوي تنط من مكانها ع اخوي وتبوس راسه وخده يمين ويسار وتبوس ايده " : حياااااااااااااااااااااااتي اخوي من لي غيرك انت اصلن ، من انا تتكحل عيوني بشوفته غيرك .. من الي سكن فؤادي وقلبي غيرك .. مننن انت بس خبرني ..... تزد حرمة اخوي الهنوف : بسج مغازل في ريلي ، بسج بسج ، ترى انا انثى واغاار حالي حااالج .. شوه آ تتلصقين بريلي .. يالله يالله مناااااااك >> حرمة طيوبة وحبوبه بكل اختصار [ عسسسسسسسسسسسسسل ].. اخوي " يغايض حرمته " : حبيبتي انتي الهنوووف اصلن ..... انتي القلب المثير ..... انتي الهنوووف زينة البناات .. خبروني كم هنووف عندي اناااا يا عالم خبروني .....>> ع فكرة اخوي كل وحدة منا مسمنها " القلب المثير ووحدة القلب الناعم ، القلب الكبير ، القلب ....الخ ]....ومع الوقت بتعرفون كل وحدة شو مسمنها.. الهنوف : وحده وحده ولا في غيرها اكييييييييد .. وتصد ع حرمة اخوي / وبعدين والله هذا اخوووووي وبحبه كيف ما ابا كيييييفي زيين .. وتبووس خدة يمين ياسر ، يسار يمين ...[ غيااض ].. ويوم خلصت سوت ويييييييو حقها و ردت مكانها .... حرمة اخوي " فاتحه عينها وتطالع اخوي بعين وحده وكأنه تقوله / قلع عينك يا سويلم ...ههههه " كلنا ضحكنا ع خبالهم ... وبتسمنا ع روح العايلة هذي ...... في خاطري قلت [ الله لايفرقنا ].......... .................................................. ................. راشد " في السيارة " يتكلم تلفون : مرحبا الساع بحبيب قلبي .. حمود " ربيعه " : مرحبتين الساع بربع الهشمين .. راشد : يا ريال وينك انت ما تنشاف ، مالك حس قاطعنا موول .. حمود : طع ها ، انا الي صرت القاطع الحين .. تراك عرست وطلقتني شوتباني الفرح وتصل فيك كأني حرمتك ، خلني ذرب شوي يا ريال .. راشد : هههههههه ، اسميك انت الا سوالف ، بس قلنا عرست ما دخلت السجن عسب ماتتصل والله ، ترى تلفوني فيه ارسال .. فيه شاااااحن .. حمود : احلف انه فيه ارسال ، تصدق تحريت فيه رسالة .. ها ها ها.. راشد : هههههههههههه ، ع العموووم حموود بقولك شي ..... حمود : قووول ، اسمعككك ... راشد : اممممممممممم.. .................................................. .................. من بعد ما ضحكنا وعم شوية هدووء .. قررت انا اتكلم ....... انا " مستحيه كيف ببدأ بالموضوع " : امممممم بقولكم شي .. كلهم صدوا صوبي : قولي نسمعج نحن ..... انا : ما اعرف كيف اقولكم بس بالأخير بقوول ابيكم تحسون بفرحتي وتشاركوني فيها .. كلهم مهتمين : خوفتينا شو قولي .... انا " ابتسمت " : اممممم انا حامل .. كلهم " يطالعوووني " وشوي : مبروووووووووووووووووووووك ، الف مبروووك حياتي .. ولي تبوسني ولي تقول يا سلاام بصير خالوووة ولو اني خالووة من زماان بس خالوة بعد ..هههه والثانية تقولي .. انا بسميه اصلن هذا حبيب خالتووو ، ولي تقوول خوزي انتي يالله مناااك ماعدنا حد يتلصق بحبيت خالتها ..عييييب ..>> عداال طاعو هااي ... [ تخبلوا خواتي والفرررح هز المكااان ]..... اخوي : مبرووك حبيبتي مبروووك وباسني ع راسي .. امي " فرحانه " : مبرووووووك الف مبروووووووك بنتي الف الف مبرووووك .... وبعد التبريكات وتمطيط والحاله الي سوني فيهاااا ... سميرة : انا اتوقع بنت .. هند : هي صح انا بعد جي اقول ، " تصد علي " شو بتسمينها ... شوق " تحتج " : لآ صدقوووووني فيهآ ولد ، انااا حاسه ..... نورة : وانا جي بعد اقووول ولد ، " تصد علي " شو بتسمينه ..؟ هنوف : صدقوووني انا اقووووولكم ان هي بروحها ماتعرف .. شيخة : صح صدقوا هنوووف الأن هو بعده كتكوووت .. رماني " ركبت فوق التكيه " وبسوط شوي عالي : اول مرة في التاريخ هنووف تقول الحقيقة ..... ضحكنا كلنااا ... هنوف : شقصدج يعني هآ شقصدج انا جذابة الحييييين .. رماني : لا حشى ما قلت جذابة ، قلت الهنوف تقول الحقيقة ..يعني مدحتج يا بنت الحلااال .. ليش تعتبرينها مسبه ..اعتبريها مدييييح ومشي مشي... هنوف " تطالع بنص عين " : بفكررررر اعتبرها مديييييح بفكررررر .. عهود : منو بيفكر الهنوووف " انتي في امتحان العربي ماتفكرين " تبين تفكرين في الأعتبااار الحيين .. هنوف : لا اشوف السالفة اكملت ضدي ، " تصد ع اخوي " : اخووووووووووي شوفهم .......... اخوي " اونه معصب " : شو تبووون في هنوفتي ليش تزعلوناا ، هااا ... ليش تزعلون هالويه المخرررع ... احنا كلنآ : ههههههههههههههههههههههههههههههههههههههه .. هنوف " مبققه عينها ومبوزه " : يزاتي هاا بعد يزااتي ..زعليييييييت خلاص ، لاتكلموني .. ريم : انطري بعد كان تبين انطررررررري ..... هنوف " ما هتمت " : مااا علينا الحين ذكرووووه بتمين اليوم اهني ولآ بتروحي .. انا : لآ بروح انشاء الله ، راشد في الدرب ..>> ذكرتني فيه كنت ناسيه .. يا عبالي بس ما فكرت اتصل قلت بنتظره .. .................................................. ........................... راشد وهو فدرب ويكلم حمووود ......! حمود : خرعتني رشود بلاك .. تكلم .. راشد : مادري حمود مادري ، بس فيني احساس غريب .. حمود : كيف يعني ..؟ راشد : احس بفرح بس في شي مكسور ، في شي يقول ان فرحت غيري مابتكتمل .. حمود : فرحت غيرك ..؟ خلهم يولي عساهم مافرحوا .. راشد : لا حرام حمود قصدي فرحت ناس غالين علي احس انها مابتكتمل .. حمود : يا ريال لا توهم عمرك بشي ، وانشاء الله مابيصير الآ الخير .. راشد : الله يسمع منك ، و اطلع انا المتوهم و كل هآ مجرد اوهام .. حمود : لا انت تفاءل بخير وانشاء الله بأذن الله ، كل شي بيكون زين .. راشد " قلبه مب مطمن " : زين امانه حمووود ، وصل سلامي للكل وخبرهم يسامحوني .. امانه حمود خلهم يسااامحووني .. وقوللهم الدنيا ماتسوى تاخذون بخاطركم ع خويكم بسبب زلات دنيا ..، الله يخليك وامااانه ها " ذكرى " اماانه .... لا حد يظرها بشي او يوقف قدامها ويمنعها من الي تباه ... خبر هلي وخبر كل النااس اذا صار فيني شي هالكلام ..... واقووووولك للمرة الأخيرة " ذكرى امااااااانه " .........................طططططططططططططططط / انقطع الخططططططط ...... حمود " مدهوووش " : رشووووووود الوووووووو رشووووود ...راااشد رد علي ...الو الو الو ..... وصاتي لك من بعدي تموت فيها على شاني ابيها تعيش وتحيا بك واظل بذاكره مفقود وصاتي لك تنسيها ملامح وجهي وتنساني وتعزفها قصيده حب على عكس اللي عزفته بعود وصاتي لك تبعدها عن اشعاري وقفياني تراها مغرمه بالحيل ويشهدلي عدد الردود وصاتي لك تسايرها ترى فيها من احزاني طلبتك لاتضيق بالك طلبتك والطلب مردود وصاتي لك تناديها حياتي عمري ازماني انا عودتها دايم ادلعها وانا موجود وصاتي لك تعاملها بطيب قلب واحساني تراها تذرف الدمعه ودمعتها بلايا حدود وصاتي لك تحفظها سور وايات قراني وتخبرها عن الميت رحل لايمكنه يعود وصاتي لك ترسمها على قبري واكفاني ابيها لوحه تبقى على طول الزمن محدود وصاتي لك تمازحها وتشوف الضحكه باسناني سعيتك يا ضحك هالكون طلبتك لاتصير جلمود وصاتي لك تقهويها من دلالي وفنجالي تراها تعشق السمرا ويكفيها دهن العود وصاتي لك تركبها على خيلي وعلى حصاني وربي فارسه من قلب شهاده ماهي لشهود وصاتي لك تسفرها بلاد الشام ولبناني ترى يحلالها تقطف ورد من بلد الورود وصاتي لك تراقصها على الحان رحباني ترى فيها عرق خاله وفيها من جنون السود وصاتي لك تحببها في ابونوره بعد هاني وتنسيها ندم غلطه انا فيها ترى المقصود وصاتي لك تكرها في تاريخي وعنواني ابيها تلعن اللحظه وتلعن كل فرح موعود وصاتي لك تكلمها عن المجني وعن الجاني وخليني انا الظالم وانا من حرق الاخدود وصاتي لك تشبهني بدم احمر قاني وانا ها القاتل السفاح مجرم من عصر نمرود وصاتي لك تحلفها تتوب تحبني ثاني ترى يكفيها ماعانت ويكفي حيلها مهدود وصاتي لك تنسيها وصيه قالها لساني انا اخبرك رجل موقف وانت قدها وقدود صــديقي مالقيت غيرك يعرف شلون تنساني (امانه)ضمها بقلبك ترى واحد اذا رحل مايعود >> لم يجد الرد ..... .................................................. ...................... هنوف " تغمز " : يا وييل حالي ع الولهانين .. انا " مفتشله " : هنوف عن اثرثره الزايدة .. ريم : هنوف لاتستوين غلسه الحين الحرمة بتسير بيت ريلها شو بيصير يعني .. هنوف : بل بل بل بل ... قنبله اثري انا ما ادري شقلت " بوزت " .. ويايه بتتكلم اختي عهوود .... يندق الباب : تك تك تك / هووووود هوود هوود .. >> هذا واحد شيبة يقرب لأبوي في الفريج .... بس هو الوحيد يا حليله من بعد وفات ابووي اي بيتنا ويسلم علينا ويهتم فينا ... هو كان لنا سند بالفعل / ما يمر يوم والا هو في بيتنا ..... [ الله لا يحرمنا منه ] .. نبذة عنه : كبير في السن ، طيب لأبعد الحدود ... راعي فزعه و حنون لدرجة فظيعه ..، يعتبرنا بناته الي ما يابهم و يوم نحتاج لشي هو اول من يوقف ويانا ..... اسمه : سييييييف ... اول ما سمعنا دقة الباب الي يدقة بعصاته و كلمة هوود هوود ... عرفنا ان هوو ... كلنا : هدا هدا عمي ، حياااك البيت بيتك .. عمي : السلام عليكم ورحمة الله بنياااااات ..>> دايم يقول لنا بنياات ..هههه احنا : وعليكم السلام عليكم عمي اقرب اقرب ... ورحنا نسلم عليه ونحبه ع راسه >> يحترمنا ومن احترامه لنا علمنا احترامه ... عمي : تحبن الجنة ، تحبن الجنة بنااتي ... وقعد وقعدنا نحن كلنااااا ..... قال عمي : شحالكم بنيات عساكن ماتشكن من بااس ، محتاجات شي ناقصنكن شي ... احنا : لا عمي سلامتك ، عايشين والحمد الله .. عمي : لا تستحو مني تراكن حسبت بناتي وصيه من ابوكن ، اي شي مرة تبغونه ما يردكن السانكن ، وما بقصر عليكم بشي ، واي حد يقوول لكن كلمة تظركن خبرني ، وانا بعطيه جزاه وزووود ..... احنا : تسلم عمي وتراك انت دايم بحسبت ابونا و مانستحي منك ، بس نحن الحمد الله ما قاصرنا شي ، ولاحد ظرنا بشي ....... عمي [ ياي بيتكلم ] ... رن تلفون البيت : ترن ترن ترن ترن ...... امي تقوم تشله : الوو ، هآآآآآآآآآآآآآآآآآآآآآآآ .. وطاحت امي من مكانها .... كلنآ مدهوشين ، ركضنآ صوبهآآآآآآآآآآآآآآآ .... .................................................. .. >> نهاية البارت ... + اعتذر اذا في اخطاء املائية ...... [ كونوا بالقرب دائماً ].. |
صبآح الخير ، اعضاء استراحات زايد .... بمآ اني اغلقت مدونتي > والبعض استغرب ... ادركت ساعتها انني لآ استطيع ترك الكتابة ابداً .. فأحببت ان اتنفس هنآ ........... ، تم تنزيل اول بآرت .. ولآحد يتحجج [ قصير ، قصير ]... ترأني حاولت اخليه ضخم بقدر المستطاع ...للعلم في الورد 10 صفحات ... القصة تلامس واقع سطحي وخيال مفعم ....... ...................................... في البداية ، حبيت انزل بارتين .... لآكن في النهاية طرحت بارت [ بما انها اول تجربة ] ... اكتفي ببارت والردوود عليكم ..، حبيت الطرح بارت لعدة اسباب منهآ ..: اذا في غلط في اول بارت ... احب انكم تقولون لي ..، عسبت مآ يكون في البارت الثآني .. وكل ماهو قادم بأن الله افضل ...... ....................................... لنكون صريحين ...، في روايتي ، لآ اريد اي اي مجاملة ... ولآ حتى بكملة [ لآ اقبل بلمجاملات ابداً ]... ان كنت استحق ذلك فلا بأس وان كنت لآ استحق .. فلماذآ تعززون ثقتي بنفسي وانتم بلخف [ تذمون بي ]... في : وشَ فآيدتهآ الروح َ : و " القلب ميتَ " ؟ [ ارجاء كونوا صريحين ]... ....................................... ان شاء الله تكملتهآ وقدرني على ذلك .. فكل يومين [ بارت ] .. واذا مانزلت في يوم لآ احد يحتج .. فأنا انسان مثلكم : لي اشيائي الخاصة ولي ظروفي ........ اتمنى تكونوا مقدرين كما تقدرون انفسكم .....، ....................................... هنآ : باب النقد مفتوح .. وكل شي متقبل ...، لن ازعل من اي انتقاد [ فكل احد له رأيه ].......، وانا سأقدر كل من يقدرني ولا يقدرني ... + لآ اريد في متنفسي اي لفظ مسئ [ رجاءً ].. اريدهآ صفحية نقية كمآ انا وضعتهآ ..... وشكراً لكم جميعاً ... قراءة ممتعة ... " باب النقد مفتوووح"...... كاتبتكم الجديدة : قلب طير :az_flw: |
والله من وجهة نظري عيبتني البداية صح ما شي احداث وايد في اول بارت بس بداية موفقة لج اختي وبعدين ما اعتقد حد بيجاملج لانه يلي ما بتعيبه ما بيرد في الاصل وهني خذي حذرج اذا تميتي ما تنزلين بارتات .... ترحمي على عمرج والله ليغسلنج العضوات غسال ها ههههههههههههههههههه امزح وياج نتريا البارت الياي بس دخيلج لا تخلين راشد يموت هههههههههههههه تقبلي مروري اختج ستايل |
ربــي يعطــيج العافيهـ شكلـها فـي البدايه حـلوهـ , واتمنـي انـج اتكملينهـا |
| الساعة الآن 01:30 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir