حملة .. انتا مخ كويس يا صديق .. لتصليح السيارات ..
 

بسم من لا ينام .. والصلاة والسلاو على خير الأنام ..

إخواني ..

قمة رفع ضغطي .. وانتقادي لنفسي .. وكرهي لجهلي بالسيارات .. لما أجي عامل بالصناعيه .. ويكشف على السياره .. ويفتي من راسه .. وأغير وأتخسر .. وتطلع ماهي المشكله .. يعني خسارة وقت .. وفلوس .. وضحك علي ..

والأدهى من هذا .. لما يصلح لك شي .. وتطلع من الورشه .. وتلاحظ فيه شي ثاني خرب .. والا بعد كم يوم يبدا مسلل الخرابات ..

لذلك .. بديت أطبق مع العماله (الغير مدربه) بالصناعيه .. مبدأ بسيط جدا ..

إعطاء الحق للمستحق .. وهو أني أشرط عليه .. إذا ما صلحت السياره .. ما أعطيك ولا قرش .. وإذا غيرت قطعه ماهي خربانه .. رجع لي قطعتي الأوليه ..

طبعاً .. الكثير منهم يرفض تصليح السياره .. لأنه شغال سنوات على مبدأ التخمين .. ممكن كذا .. وممكن كذا .. ويجر جلدك على الشوك والشجر .. ولو حصل له على الجمر بعد ..:f

وفيه عامل بالصناعيه .. هندي قديم .. وأمين بصراحه .. يوم علمته شرطي .. قال (انتا مخ كويس يا صديق .. واجد صناعيه نفر فيه حرامي .. وهو مافيه معلوم ميكانيكي) .. ;)

بالمختصر المفيد .. لو كلنا طبقنا هالشرط .. تتوقعون ميكانيكيين الصناعيه بيتسنعون والا لا ؟؟

ما أخفيكم .. كثير منهم يرفض يشتغل بالسياره لما يسمع شرطي .. ولكن .. علشان ما أظلمه .. ولا يظلمني .. ولا يشتغل بموتري الا اللي واثق من نفسه وقدراته ..

نسمع رايكم ..

هذا والله أعلم
والسلام ختام