قصتي مع احد اصدقائي في المكشات من الطرائف
 

السلام عليكم ..
اخواني كل منا له مع اصدقائه طرفه تحصل اثناء خروج المقناص وحنى يوم من الايام تقضينا واخذنا اغراضنا كله من جميع الاشكال من ضمنهن الحليب والبيبسي ابعدنا عن الديره وانقطعت بنا الايام ونفذ مامعنا وخلصت اغراضنا وتعرفون الي يجلس بالبر تخلص اغراضه وكنت مخفي واحد لتر حليب وخويي مخفي علبة بيبسي وتعرفون الي يصيد يعطش ويتعب جيت وطلبت من خويي علبة البيبسي الي معه بس امتنع وقال ماراح اعطيك اياه قلت له زين وانا معي الحليب مخفيه ابيه للوقت المناسب المهم تعرفون صدنا دخل كثير وخويي اكل من الدخل لين ماقال بس يوم صار بكرا الصبح ولا خويي يصيح ويدور بالبر مثل الطلاقه سالته وش بك قال بطني عطن الحليب الي معك قلت له مانب معطيك الحليب وراك تعيي تعطين البيبسي والرجال الحقيقه منسد ولا يقدر يخرج ويصيح وانتم تعرفون ان الحليب ملين لين ماشفتوه اشرف على الموت ويوم شفت خويي تعب عطيتوه الحليب لين مانزلت البرديه الله يدفع البلى وانفس الرجال وهاذي طرفه من الطرائف الي حصلت لي بالبر والطرائف كثيره لكن اليوم انتم اقرو هالقصه واوفيكم بقصه ثانيه وقت ثاني ولكن نصيح الي يطلع للبر ياخذ معه التمر والحليب لانه من الملينات وخاصه الي يكثرون من اكل الدخل ..
تحياتي