|
حصري : قنبلة غير ايقونة البطارية الاساسيه لجوالك الى رقمية بدون روت وبدون طبخ بطارية السـلآم عليكم ورحــمة الله وبركاته كـثير منا سئم من ايقونة البطارية الاساسيه لنظام الاندرويد .. ولما يجي يبي يغيرها يجد طرق كثيرهـ بالمنتديات ولكن طرق صعبه جدا جدا للمستخدم الجديد للأندرويد كل الطرق الموجودهـ في المنتديات لتغير الايقونه البطارية تقول .. ركب روت و اطبخ ايقونه لجوالك و وانا غير مسؤل اذا تخربط نظام جوالك وغيرها وغيرها وغيرها .. مما يجعل كثير من مشاهدين هذه المواضيع يقفلون الصفحه خخخ خوفا على اجهـزهم ... لكن الان معي ان شاء الله تستطيع تغير ايقونة جوالك بدون روت ونظام جهازك لا يتضرر وانت مرتاح مريح خخخ الطريقة غير موجوده الا بهذا المنتدى وهي حصريا سوف اشرح الطريقه اولا نركب برنامج اسمه Battery changer هو برنامج مجاني موجود بالماركه ماعليك سوا : ان تفتح سوق Play .. المتجر وتضغط فوق ايقونة البحث وتكتب اسم البرنامج يضهر لك اول برنامج اضغط تنزيل خلصنا من البرنامج نأتـي الان الى شرح البرنامج البرنامج عباره عن قيم رقميه يعني تحرك الايقونة يمين ويسار بواسطة الارقام بأعدادات البرنامج سوف اشرحها الان تحركها لين ماترفعها بالاعلى فوق بشريط الاشعارات وتخليها تغطي على البطارية الاساسيه وبكذا يصير عندنا بطارية رقميه والاساسيه تصير تحتها ما تنشاف نهــائيا .. برنامج عجيب خخخ لا اسطيع عرض الصـور لان الموقع تحت التحديث ولا يقبل عرض الصور .. لكن الصور ارفقتها لكم ورقمتها من 1 الى 5 وسوف اضع رقم الصوره واشرحها عاد انتم حملو الصور وتبــعوا معي بالشرح .. الله يعينكم : ) الصـورهـ رقم 1 : هي صورهـ لشاشه جوالي وفيها تشاهدون الايقونه بالاعلى راكبه تماما ً على الايقونة الاساسيه لنظام الاندرويد ومخفيتها وكأن تم تعديل على النظام وهو بالاساس ماعدل على النظام ولكن تم وضعها عليها وتم اخفاء ايقونة البطارية الاساسيه يعني لو تحذفون البرنامج تنحذف الايقونه ويظهر المستخبى هههه اللي تحتها بطارية الاساسيه ___________ صوره رقم 2 : هي الاعدادات البرنامج Start . stop يعني ضع صح لتشغيل البرنامج او شيل الصح لا ايقاف البرنامج Use in AndroOS4.0 : هذا الخيار لاصحاب النظام الاصدار الرابع من الاندرويد اللي اسمه ( آيس كريم ساندوتش ) اذا نسخة جوالك ماهي اآيس كريم ساندوتش شيل الصح واكمل معي الشرح Auto-Start : يسألك هل تريد التشغيل التلقائــي للبرنامج ؟ ضع صح Icon Size : هو حجم الايقونه عاد انت على حسب جوالك اذا جوالك شاشته كبيره كبر الايقونه اذا صغيره صغير الايقونه ونستفيد من هذا الخيار اذا رفعنا الايقونه فوق بشريط الاشعارات نكبر ونصغير عشان نخفي الايقونة الاساسيه وماتنشاهد !! صوره رقم 3 : اول خيار فيها Manual Setting : اللي هو الاعدادات اليدويه هنا الشغل بدا .. ركزو معي ضح صح عليها اذهب الى الخيار (Horizontl pixels (0-9 ادخل عليه يقولك ادخل رقم لتحريك الايقونه يمين ويسار تنازلي يسار تصاعدي يمين وهكذا ( بنسيه لي انا جوالي ذو شاشه 3.5 والقيمه اللي مدخلها 238 وعاد انت حسب جوالك ارفع بالارقام تحصل الايقونه تتحرك يمين وانزل بالارقام تحصل الايقونة تتحرك يسار وهكذا هذا بالنسبه لتحريك الايقونه يمين ويسار ___-____-___ الان تحريك الايقونه فوق و أسفل اذهب الى خيار اسمه Vertical pixels ادخل عليه يقولك ادخل رقم ادخل رقم 1 عشان ترتفع الايقونه فوق بشريط الاشعارات تمام ............................. الصوره رقم 4 بالمرفقات ضع صح على الخيار Use Downlod Icon معناته / هل تريد تحميل ايقونات اخرى ؟ ضع صح الخيار اللي تحته Select Icon : هو التبديل بين الايقونات اللي محملها انت مسبقا ً الخيار اللي تحته Icon downlod : يعني هل تريد تحميل ايقونات اضغط عليها يفتح لك الماركة وتطلع لك تقريبا 15 ايقونه بعضها مجاني وبعضها بفلوس اختر من المجاني وحملها واذهب الي خيار Select Icon واختارها ________ الصوره رقم 5 شيل الصح من الخيار Use Custom Icon : وهذا الخيار لو حطيت صح لاتسطيع التبديل بين الايقونات وتثبت الايقونه الاساسيه ونريد منكم رفع صور عند تركيب البرنامج ومشاركتنا ارائكم .. تقبلوا تحياتي في الاخير الحمدلله اني وفقت لحل مشكله كانت من اكبر المشكلات عند مستخدمين الاندرويد الا وهي تبديل الايقونه الاساسيه او اخفائها .. الرجــاء لمن يريد نقل الموضوع ان يذكر المصدر وشكـرا ً جوال العرب E222 ( استودعــكم الله الذي لاتضيع ودائعه ) الصور المرفقة
|
| الساعة الآن 11:49 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir