|
سالفة:رسب ثمن سقط..قوافي السلام عليكم ورحمة الله وبركاته صبحكم الله ومساكم بكل خير وبركه هذي سالفه صارت لبعض طلاب المتوسطه تقريباً بعام 1400 هجريه.. كانت المدرسه بعيده ولابد من مواصلات والمتوفر كان ونيت ددسن حوض وكل يوم الصبح يضف عيال المتوسط اللي بالحي ومعهم مدرس من جنسيه عربيه وهو معلم بنفس المدرسه.. راعي الونيت ماعطاه الله من الركاده شي، يسرع لين يطق الطبلون والطريق شي مزفلت وشي لا وبمره كان عند بعض الطلاب جنس أمس أختبار ومعظمهم رسب فيه واللي يدرسهم الماده نفس المعلم اللي يركب معهم .. وكالعاده السواق طاير ومطبات والمعلم قاعد على باب الحوض ويهوش ويتوعد العيال وانه بيعطيهم اصفار على اصفارهم والعيال كلن متضايق وملتفت ما يناضر المعلم وشوي يوم اسكت اثره طاح مع مطب :D:D:D:D العيال يوم التفتو ولين المعلم تقل عنصل بالارض مزرع:p:p:p:p ماتو من الضحك وتركوه سوو نفسهم ما درو وسواق الطياره (الددسن) ولا جاب خبر أحد.. ويوم وصلو المدرسه وقف المدير مثل كل يوم عند الباب يشرف على دخول الطلاب للمدرسه لين المعلم موب معهم !!! ويسأل وين استاذكم ؟؟ قالو: الدور عليه ،،،،رسب ثمن سقط .. تحياتي اختكم ..قوافي.. |
| الساعة الآن 06:59 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir