منتدى استراحات زايد - مجاراة النبهاني في عرسه ( ابو الشبرميات )

بسم الله الرحمن الرحيم
الاخوة والاخوات الاعضاء
والمشرفين والادارة والزوار الكرام
السلام عليكم ورحمة الله وبركاته

شدتني سالفة اخونا ابو سالم النبهاني ورحلة شهر العسل على الرابط التالي
http://www.mekshat.com/vb/showthread.php?t=514574
واحببت ان اجاريه بهالسالفة اللي صارت لواحدٍ من الربع
يقول صاحبنا جعل فاله التوفيق والذرية الصالحة
بعد ما رجعت من امريكا بالشهادة كنت فرحان
وسافرنا للديرة نسلم على جدي الله يرحمه
ونحتفل مع العائلة بتخرجي ونجاحي
وخطبت بنت خالي
وكان وراء هالزواج قصة اعجاب وحب منذ الصغر
المهم وافق خالي وباركوا لي وحددنا موعد الزواج
ورجعنا للرياض وبدأت بمساعدة الاهل تجهيز عش الزوجية
وحجزت لي جناح بفندق في الرياض ليلتين قبل السفر
واتفقت انا والمدام على اسبوعين في اندونيسيا وماليزيا شهر عسل
وضبطت الحجوزات وشريت التذاكر والعزبة وكل امور السفر
جاء الموعد المرتقب
ورحنا للديرة وسوينا العرس ورجعنا للرياض وتوجهنا للفندق
المهم جلسنا شوي
قلت للعروس : وش رايك ننزل في بهو الفندق
وناخذ لنا كوفي وشي خفيف
قالت : ما يخالف
قلت : يالله
قالت : عطني 10 دقايق
قلت : اجل انا ابنزل وانتي إلحقيني
قالت : ابشر
يقول البطل الهمام : وانا اخذ بشتي والبسه وانزل انتظرها
راح 10 دقايق ربع ساعة وهي ما نزلت
وانا اللي ارقى لها
قلت : وراك ماتنزلين ؟؟؟
قالت : خلاص وراك يالله
نزلت وانتظرت ولاحولي احد
وارقى وانا معصب
قلت : وش السالفة ؟؟؟
تبي تنزلين والا ادخل ارقد ابرك لي
قالت : لا ابنزل بس انت لابس عباتي
وشلون انزل ؟؟؟
وانا اللي اناظر تحت والا عباة العروس علي
والا كنها صابة علي ماء بارد
واتفشل من روحي
واتذكر ان موظفي الاستقبال والمقهى يناظروني ويتغامزون بينهم ويضحكون
قلت : الله يهديك وراك حطيتي عباتك على بشتي
طمنت راسها وهي تضحك ومستحية مني
وقالت : الله يهديك انت فاصخ بشتك من طلعنا من الزواج
ومسفطه في مرتبة ورى
قلت : يالله طيب انزلي ولاتعلمين احد لاتفضحينا قدام الناس
قالت : ابشر
المهم انا ماصبرت من بكرة الصبح كلمت الوالدة اطمنها عنا
وعلمتها بالسالفة وهي بدورها علمت الاهل كلهم

وسلامتكم

محبكم ابو الشبرميييات
...