موقن بالله ثم بكم بأنكم ستيفيدونني
 

السلام عليكم
معي باترول فتك 2005 توي مشتريه

المشكله الأولى
طبلونه ليزر اللون البرتقالي بعض الأوقات يطفئ نور الطبلون ومرات ينسدحن الأمبيرات خمس ثواني ويرجع لوضعه الطبيعي ومرات ينسدح أمبير الكيلو ولا يزين لين أمشي 160وفوق ثم يرجع طبيعي وش مشكلته ومن اللي يضبطه بالقصيم
المشكله الثانيه
الركبه اليمين تهرب شحم تبي تغيير صوف ولو غيرت الركبه الخربانه بدون ماأغير الركبه اليسار ماعندي مشكله
المشكله الثالثه
فيه طقطقه بالديكور حق البيبان وش حلهن تكفون
المشكله الرابعه
عند التبديل من نمره لنمره فيه نتعه بالقير وموديه للشيبان ببريده وبدل كتاوت القير ومع العلم مغير الزيت حق الوكاله هل عادي هالأمر
المشكله الخامسه
الدركسون فيه تخشيبه والجلد متقطع ولا ودي أركب عليه قماش هل يرش الدركسون


وش الأمور اللي أسويه حتى أتجنب المشاكل مع العلم أن مسامير الثلاجه ملغيه

وجزاكم الله عنا خير الجزاء ووفقكم لما يحبه ويرضاه