بسم الله الرحمن الرحيم ....

السلام عليكم ورحمة الله وبركاته ...

انا من فترة وانا اتابع منتداكم والقسم هذا بشكل خاص واستفدت بشكل
كبيير جدا جدا منكم ( جعله الله في موازين حسناتكم ) واشكر اخواني حجازي اصيل
وبدوي جنوبي وفتك وكل شخص قدم لنا معلومة نجهلها ...

ندخل في صلب الموضوع

طبعا سيارتي قراند ماركيز موديل 97 كانت ترتفع علي الحرارة اذا مسكت الخط
فوق النص مع المكيف المهم اني حست فيها شوي وقلت شكله بلف الحرارة عندي ساير له شئ

المهم يا اخواني اني يوم كشفت على بلف الحرارة لقيته تعبان وممتلي اتربه
وركبت بلف جديد والحرارة الحمد لله رجعت مية مية

يوم رحت اجربها كان كل شيء كويس من ناحية الحرارة لكن يوم مشيت بها قريب 80
قامت السيارة تفتف علي تفتفه قوية ماعمرها سارت معي وفي نفس الوقت لمبة check engin قامت تغمز بشكل متكرر وهي ماعمرها تفتفة معي الا بعد ماغيرت البلف وطبعا الان احس انه تغير شئ في صوت المكينة والسيارة وهي محلها تحس ان فيها نفضة ( تفتفة )

وتذكرت انه خلال تغييري للبلف انكب موية على اقرب سلك بوجي للبلف

السؤال يا اخواني من خلال ما وصفت لكم ...
- هل من الممكن ان الموية تكون سبب في تفتفة السيارة المفاجئة .؟
- وهل خراب سلك واحد من اسلاك البواجي يسبب تفتة للسيارة ان حدث .؟

اتمنى منكم ان تفيدوني ... الله يرضا عليكم :)
واعذروني على الاطالة (^_^)