استفسار عاجل جداَ تكفون باترول 91 يا إخوان تكفون الفزعة شريت باترول 4 أبواب موديل 91 والحمدلله المحركات : مكينة وقير ودبل ودفرنسات تمام لكن ظهر لي عدة مشاكل : المشكلة الأولى : وتم حلها / لفة الدركسون يمين أطول من يسار : ويسار قصيرة بالحيل إذا بغيت ألف يسار لازم مع الشارع الثاني : والحمدلله . غيرت الدودة وضبطت اللفة صارت ممتازة يمين ويسار . المشكلة الثانية : الدركسون ثقيل خاصة إذا كنت واقف لازم باليدين الثنتين ويحتاج هوش مع الدركسون علشان ألف سواءاَ يمين أو يسار وإذا دست بنزين يخف الدركسون شوي : وهذا كما هو معروف إنه من علبة الدركسون . وغيرت علبة دركسون من التشليح وبدون فائدة . وأخذت علبة دركسون مجددة من محلات باتيس لقطع الغيار ببريدة ومعها ضمان شهر . وبعد تركيبها أصبحت خفيفة إذا مشيت أو إذا كنت توي مشغل السيارة الصباح وبعد لفتين أو ثلاث لفات ترجع ثقيلة . ورجعت لمحل باتيس لقطع الغيارببريدة وأعطاني علبة دركسون ثانية بدلاَ من العلبة الأولى لأنه معها ضمان . وتم تركيب العلبة الثانية : وللأسف العلبة الجديدة الثانية أصبحت تختلف أحياناَ تكون تقيلة حتى لو كنت أمشي وأحياناَ تكون خفيفة . وأحياناَ بالقوة حتى أتمكن من لف الدركسون . والآن أبي رأيكم تكفون : فيه ناس تقول غير علبة دركسون أصلية وكالة وليست مجددة . لأن المجددة ما تصلح . وش رأيكم تكون قبل أتخسر في تغيير شي يمكن يكون ما هو سبب المشكلة . تكفون أبي رأيكم عاجل جداَ . وللجميع خالص الشكر . أخوكم / أبوخالد : القصيم : بريدة |
الساعة الآن 05:03 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir