|
قصيده حزينه السلام عليكم ورحمة الله قصيده وجدتها في احد المنتديات راقت لي كثيرا الحظ نايم والجفن عايف النوم ♦♦والحزن سوى في ضلوعي سوايا والهم ضايفني ولاهــو بمعزوم ♦♦ هذي ثلاث سنين بين الحنايا وألحان عبرة بين صدر(ن) وحلقوم ♦♦ غنيتها ماحد(ن) سمع في غنايا واحلمي اللي طب فالسوق مسيوم ♦♦ هذا يبيع وذا يقــول الكرايــا وأنا خبرته يازن الفرس والروم ♦♦ مير العرب حطت عليه النوايــا لعل من حده على الهون مايقوم ♦♦ لايسنده مسنــد ولا بالعصايـــا يالايمي ويش الذي فاد فاللوم ♦♦ غير البلى زود(ن) على مبتلايــا منته من عيون المواليف محروم ♦♦ وأنا وليفي غايب(ن) عن مدايا ولاصابك الواشي بطعنات وسهموم ♦♦ وأنا طعون الهرج أدمت قفايــا ولاأنت وحيد(ن) فاقد الربع والقوم ♦♦ وانا دموعي سلوتي في خلايــا وأحيان تصبح وأنت ماتعرف اليوم ♦♦ وأنا مع التقويم صبح ومسايا ماحدك الغايب على كثرة الصوم ♦♦ وأنا صيامي ينتقض من بكايـا وين انت ياغايب عن العين ملزوم ♦♦ وعدك عن رياح الــــتجافي ذرايـــا كأنك على وجه المخاليق مرسوم ♦♦ من ويـــن ما ألقي اشوفك معايا وإلا في لب العين ثابت ومختوم ♦♦ وأشـــوف زولك لانضـــرت المرايا أرفق على جيش(ن) غدا اليوم مهزوم ♦♦مشـاعره كانت تقود السرايا إما تجي قايد على العز مخــدوم ♦♦ وإلا على هذي تمـــوت الروايــا إن مت مرحومه ولومت مرحوم ♦♦ ياجرك ربي وأحسن الله عزايــا مماراق لي من المنقول |
| الساعة الآن 11:18 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir