منتدى استراحات زايد - برمجة مكيف النيسان باترول ٢٠٠٦

السلام عليكم

الكثير من الاخوان يسأل عن طريقة برمجة مكيف الباترول وكيفية (تعيير) البرودة او الثرموستات. بصراحة وجدت الطريقة لبرمجة المكيف لكن لم اتمكن من قياس البرودة عند كل تغيير لعدم تفرغي وعدم وجود ثرمومتر دقيق يستطيع يحسب لي درجة الحرارة.

لكن سوف اشرح لكم الطريق وارفق معها صورة للتوضيح.
http://imageshack.us/photo/my-images...mentprogr.jpg/http://www.mekshat.com/vb/data:image...AASUVORK5CYII=

http://im29.gulfup.com/2012-06-27/1340829201832.jpg

تحط المفتاح في السويج في وضع الاغلاق وبعدين تحط درجه الحراره على 25 والمكيف على وضع الاغلاق وبعدين تفتح سويج السياره على الدقه الثانيه الي بتسمع فيها صوت طرمبة البنزين الاولى وبعدين تضغط على زر الهواء الداخلي ضغطه متواصله لمده خمس ثوان بتلاحظ انه بعد خمس ثوان بتنطفي لمبه الهواء الخارجي وبعدين تحرك فرار درجه الحراره جهة ال 32 درجه درجه وبتلاحظ مع التحريك انه لمبه الهواء الخارجي والداخلي ولمبه الكمبريسور تولع وتنطفي مع كل حركه المهم انك تحركه لين ماتشتغل لمبه الكمبريسور ولمبه الهواء الداخلي فقط بدون لمبه الهواء الخارجي علشان نكون ضبطناه على موجب 3 حسب الجدول المرفق وفي الاخير نضغط على زر الكمبريسور ضغطه وحده وتكون اكتملت البرمجه بهاذي الطريقه
وللعلم اذا فصلت اصبع البطاريه لازم تبرمج ثاني مره لانه البرمجه راح ترجع مثل قبل على الصفر

وعلى فكره انا غيرت الخطوات الي كنت حاطها امس لاني جربته على سالب 3 وماشفت اي تغيير بس اليوم جربته على موجب 3 وحسيت انه البروده زادت والي يبي يجرب ويبي يشوف اي تغيير يجرب بالمكيف الامامي فقط ويشوف التغيير لانه الموديل الجديد معروف اذا كنت مشغل فيه المكيفين او مع الثلاجه يكون بارد اما اذا الامامي لحاله يخف تبريده بشكل ملحوظ

والجدول الي في المرفقات يبين كل درجه واللمبات الي تكون شغاله عند ضبط الدرجه والجدول من عند العضو patrol le

ملاحظة: الموضوع منقول مع كل الشكر للعضو هاوي نياسين.