استفسار عن الزيت المناسب لقير الباترول (الفتك)
 

السلام عليكم ورحمة الله وبركاته...

بغير زيت القير وافتر راسي من كثرة المواضيع الي تتكلم عنه
فيه من قال مايغير زيته او فيه من قال له زيت خاص او لازم بالوكالة
والي يقول لاصار ناقص يزود بس بدون تغيير .. وحبيت استفسر من الخبراء
والي لهم علم فيـه .
بالأول ذهبت لي آحدى الورش المعروفـه لصيانة الباترول ولا فيـه سعودي (صاحب الورشة ) او سألته عن زيت القير او تنظيف الفلتر او على طول قالي آفتح بلوتوث
وأرسل لي الصورة ذي .
http://www14.0zz0.com/2012/06/25/21/679076688.jpg

او قالي هذا افضل زيت لقير الباترول الفتك طلعت من عنده او مافي صناعية او محل قطع غيار الا مريته ادور الزيت هذا مالقيته . رجعت لرجال او قلت له اني دورته في كل مكان
ولا لقيته قالي روح قطع غيار الماني وتحصله عندهم دخلت أول محل قطع غيار او عطاني
زيت غير الي موجود بالصورة ماخذته مريت محل ثاني ولا فيه سعودي او قلت لـه ابغى
زيت لقير الباترول موجود عندك قالي فيه او عطاني نفس الزيت الي وراني ايه المحل الأول
ومدحه لي الرجال او قالي هذا افضل زيت له ولا فيه غيره مناسب للباترول الفتك .
طبعا هذي صورة الزيت.
http://www9.0zz0.com/2012/06/25/21/416489420.jpg

والشي الثاني يا أخوان كم لتر يتعبى القير صاحب محل قطع الغيار قالي ستة او نص
او فيه من يقول 4 لتر او 5 لتر الي عنده علم يفيدنا . او جزاكم الله خير