منتدى استراحات زايد - سالفة:واهمه!! لا مهوب واهمه..قوافي

http://t2.gstatic.com/images?q=tbn:A...FPpLIjlEIJbfbw
@صبحكم / مساكم الله بالخير جميعاً@
من كم سنه وحنا طالعين للبر وقفنا نصلي صلاة المغرب والعشاء جمعاً وقصراً وبعد ما صلينا كملنا طريقنا للمكان المعد للتخييم وكان مجهز من فتره ولا ينقصه إلا جيتنا..
وحنا بالسياره مصلى الوالده معي ماتحب يحط بأي مكان وتخاف من البزران يحوسونه..سمعت صوت شي وقلت يمكن اني واهمه همن شوي واسمع ثاني !!قلت تسمعون صوت؟؟ قالو لا مانسمع ..وشوي إلا نفس الصوت قلت ماش مايصلح الكلام ..وأنادي على أخوي يافلان تراي اسمع صوت ولازم ناقف ..وقفنا وش تسمعين قلت طقطقت عقرب دورو يمين شمال كل قطعه بالموتر مافي شي!!
مشينا وشوي إلا نفس الصوت قلت هذا يمكن صوت يطلع من نفس السياره أو أو .....ألخ وكذبت نفسي..
وصلنا وكلن لاهي بخيمته يواسي همن تعشينا ونمنا تعبانين عقب مشوار نا..
انا عجزت انام كل ما أخذة لي فتره اسمع نفس الصوت واستحيت منهم كل شوي فيه صوت تعالو يجون اخواني ويقلبون الخيمه قلب عشان يريحونن ولا يلاقون شي ..صرت مثل النقل الجماعي كل شوي انقل الشناط من مكان لمكان ابي الاقي هاللي تطقطق ..وجا وقت صلاة الفجر قمت ابي اواسي مكان للوالده تصلي وأول ما فرشت المصلى ونفضت الجلال يوم قالت
تكتكتك تكتكتك
أهليييييين هذا انتي فك الله اميمتي منتس..ولاه على جلال امي..
موته وحطيته بكيس أثبات أنا ما كنت واهمه..
تحياتي
اختكم
..قوافي..