يا اخوان تهت في بحر ذهبان والله سلم ابغى فزعتكم
 

مساكم الله بالخير جميعا نزلت بوتي ولله الحمد في مرسى ذهبان الاسبوع الماضي وصار لي افلام الله لا يجعل احد مكاني، طلعت الخميس الماضي الساعه 3 العصر ومعايا جهاز قارمن 421s خرايط الخطابي اول مرة استخدم الجهاز حركت من المرسى وعلى بالي الجهاز يرسم طريقي المهم وصلت لقطعة وقعدت اجلب المهم جا الليل وحاولت اغير طرحتي ما قدرت ماعرفت استخدم الجهاز وحبيت ارجع ما بين طريق رجعتي فقلت لازم اقعد للصباح عشان اشوف العواري وانا راجع وفعلا رجعنا الصباح بس غلطت ودخلت من خور ثاني وفجاة البحر صار عاري حوالي نص متر وبسرعه ولله الحمد رفعت المكاين وحك البوت حكات بسيطة واضطريت انزل البحر عشان ادف للغزير يعني اتعذبت وضيعت طريق الرجعه ودقت عالحرس ولا حياة لمن تنادي محد جاني الين شفت بوت راجع ورجعت معاه ولله الحمد ياليت ياشباب الي يستخدم الجهاز يشرحلي طريقت استخداموو ودمتم سالمين واسف عالاطاله