تفتفة اكسبلورر2006
 

اخواني الاعزاء منسوبي منتدى مكشات السلام عليكم ورحمة الله وبركاته
ارغب في الاستنارة بآرائكم حول مشكلة تفتفة عندي في اكسبلورر 2006
قبل شهر بدات التفتفة وولعت لمبة التشيك انجن وديتها ورشة وسويت فحص ماكينة وقالي يبغالها تصفية ماكينة مع العلم ان التقرير حق الفحص يبين انه فيه مشكلة في البلف او البوجي رقم 2
اشتريت بواجي واسلاك بواجي والديلكو وصفاية البنزين وفلتر هواء وبخاخ ايسي ديلكو لتنظيف البخاخ
خليت السيارة الظهر واستلمتها بعد صلاة العشا وكان شغل يدهم 600 ريال
بعده باسبوعين رجعت نفس المشكلة تفتفة وولعت اللمبة
رجعت للورشة قالي يمكن طرمبة البنزين رحت فحصت كمبيوتر في ورشة ثانية قالي طرمبة البنزين مافيها مشكلة المشكلة في البلف رقم 2
السؤال يااخوان لو المشكلة لاسمح الله في البلف رقم 2 وش تنصحوني فيه هل افك الراس واغير البلف ؟وهذا بيكلف كثير
ارجو منكم المساعدة لاني مسافر واخاف توقف علي السيارة في الخط
واذا كان فيه ورشة تنصحوني فيها أكون لكم من الشاكرين وجزاكم الله خيرا