مشورتكم في الشاص او الهايلكس
 

السلام عليكم ورحمه الله
يااخوان ابي مشورتكم
انا من عشاق الشاص وانا الان مقدم على شرائه المهم قالولي الناس مايصلح داخل الرياض وفي الطرق
انا بشكل يومي اقطع حول80 رايح جاي كيلو للجامعه وفي الشتاء كل نهاية اسبوع بر وفي الصيف طلعات خفيفه وقليله
حملي على الموتر وسط واي موتر صندوق يشيله
شارو علي بهايلكس غمارتين دبل وش رايكم
هل الشاص ينفع داخل المدن لان وراي جامعه ومشاوير واخاف اشتري الشاص واتحسف لان نص الدراهم دين
مع العلم اني اعشق الشاص بجنون لاكن انتو خابرين لازم الواحد يفكر بعقله ويشاور حتى يكون على بينه ويفتك من التردد
الان معي ددسن دبل :(
هايلكس دبل غمارتين جديد او شاص 2010 او 2011 بدون رفارف لان الرفارف مشتحيل افكر فيه والسيارة الي بشتريها الان ان شاء الله ستكون سيارتي الوحيده
تحياتي للجميع