منتدى استراحات زايد - راعي العجراء والنباطه

السلام عليكم ورحمة الله وبركاته
اليكم هذه السالفه القديمه
على وقت بيوت الطين
منول الناس لا بغوا يقلطون الغداء والا العشى يحطونه على سفره من الخوص (سعف النخل)
ولا خللصوا من الاكل ينفضونها بالشارع تحت ساس البيت الطين للعصيفرات والبساس
بس يحولون يقربونها للجدار حتى ماياطاه احد تشوف البس متسحله جوانبه
من التحكك بالجدران تقول حاك برصيف لجل يبحث عن الاكل عارف الناس ماتكب البقايا من الاكل الا عند الجدران واذا كبواا البقايا ينفضون السفره ثم يعلقونها بالبيت
http://t1.gstatic.com/images?q=tbn:A...p2wQ8BbTsRFNSDhttp://t1.gstatic.com/images?q=tbn:A...ApjIisBSdFy6CEhttp://t1.gstatic.com/images?q=tbn:A...ApjIisBSdFy6CE
حتى ياتي وقت الموعد الثاني للاكل مايعرفون السماط مثل الحين وكانوا يحرصون على عدم الاسراف وتكبيب النعم
المهم ذاك الحين معي نباطه سيور حمر شاريها من سوق المقيبره بعمارة ابن كليب بثلاثه اريل مدري ريالين ونصف نصيد به عصافير على اسلاك الكهرب ولا اذكر ان صدت عصفور بالنباطه ماغير بس اروعهم عسى ايديني ماتشوف العمى ولا رجليني
ماغير دعاء امهات العصافير علي روعت عيالهم
ويوم صار ذاك اليوم وتطلع اختي من البيت ولا معها سفره تبي تنثرها على العاده بساس البيت يوم انثرتها وجت تبي تنفضها قلت لها شوفي انتي امسكي السفره وانا ابنبط السفره
بالنباطه حتى يطيح اللي فيها قالت ميخالف وهي تاقف وترفع السفره وتغطي وجهها بالسفره وانا ادور على حصاة تصير زينه للرمي وكبيره ومدرمحه وختي واقفه ومعها السفره تتنظرني انبط بالنبيطه لعلها تعبت يدها وهي واقفه مادريت اني ادور على الحصاة طول هالوقت
المهم اني مغطت النباطه على السفره الا وختي تنزل السفره تبي تناظر ليه تاخرت بالنبط
وهي تقول عجل يالله تعبت الا والحصاة بجبهتها بين عيونها يوم صب الدم على طول مابغت شي وهي تدخل للبيت تركض والدم ينزف وتصير ملابسها حمرا من الدم
وهي تصيح من قوة الضربه والدم ماوقف بالسهوله
المقرود مقرود على كثر مانبطت على العصافير ماشفت دم عصفور واختي شفت دمه لاومع الجبهه
وانا الحقها ارضيها واقول لاتعلمين ابوي لاتقولين راعي العجراء ضاربني بالنبيطه وبعدين يقطعها
لاقال ابوي شي قولي له طاحت علي السفره وانا انفضها
من زين الدبره يارع العجراء
وينك يا ادسون تشوف الذكاء الخارق وبعد النظر
ومازلت اختي تذكر سالفه النبيطه والسفره بالرغم على مرورها اكثر من خمس واربعين سنه
http://t0.gstatic.com/images?q=tbn:A...9NUfo_GpfBet_ghttp://t2.gstatic.com/images?q=tbn:A...Lj6y7g2dZJ2hMwhttp://t0.gstatic.com/images?q=tbn:A...n2mo6NjuyxcM1c

انتهت السالفه وقبل الختام
سبحانك اللهم وبحمدك لااله الاانت استغفرك واتوب اليك
دمتم بخير