منتدى استراحات زايد - للبيع فورد اكسبلورر موديل 2002 البودي نظيف جداً استخدام أمريكي

السلام عليكم ورحمة الله وبركاته
سيارتي الشخصية اشتريته من الصالات قبل أربع أو خمس سنوات تقريباً نظيفة جداً ولا فيها أي مشاكل وأنا المستخدم الأول في السعودية ولا يستخدمه غيري إطلاقاً .
دبل
تكييف مركزي
3 مراتب
العداد 200000 ميل وزيادة .
الكفرات شكلها جديد لكن ما أرتاح له يفضل تغييره غيرته قبل سنتين تقريباً .
البطارية جديدة قبل شهرين أو ثلاثة أشهر تقريباً
غيرت البواجي قبل شهر تقريباً
قزاز السيارة مظلل من المصنع وليس تظليل تجاري .
المكيف بارد جداً والساعة 12 الظهر الحرارة ما ترتفع حتى مع المكيف .
عزم السيارة يضعف مع المكيف لكن بدون المكيف عزمه قوي والسيارة مرنة جداً .
الاستمارة إلى عام 1435
والفحص تم يوم الخميس الماضي وبدون أي ملاحظات من محطة الفحص وبدون تشييك قبل .
العيوب والمشاكل:
حالياً لا يوجد أي مشاكل واضحة والسيارة على الفحص إبراء للذمة لأن السيارة مستعملة ولابد يصير فيها شيء يمكن ما يكون واضح لكن اللي أعرفه الآن .
فيه تهريب زيت بسيط ما أدري من وين لكن إذا وقفت السيارة أشوف تندية بالأرض ولا كشفت عليه .
عند تشغيل الدبل الثقيل إذا أردت الوقوف أحياناً يخرج صوت مزعج يشبه الاحتكاك .
الصدام الأمامي فيه تغير بلون البوية من طريق الدمام في منطقة صغيرة بجانب اللوحة .
كان فيه حذفة ورجة بالسيارة والاسبوع الماضي سويت لها وزن الأذرعة للكفرات الأربع عند مركز كفرات بريجستون ( ميزان الكتروني بالكومبيوتر ) وقال الفني عندك الكفر الأيسر لابد تغييره وبالفعل غيرته بالكفر السبير وانتهت الرجة نهائياً والحذفة تلاشت لكن الدركسون مايل شيء بسيط جداً لليسار قد يكون من الكفر السبير أيضاً .
السيارة محافظ عليها جداً وكل 5000 كم أغير الزيت والسيفون وأشيك على كل الزيوت وعند كل موسم صيف أو شتاء أغير ماء الرديتر الأخضر .. وأحياناً أتأخر لكن الماء يتغير دائماً .
سبب البيع : لا أدري حقيقة عن سبب هذه المشاكل السريعة خلال سنة واحدة والله أعلم مع العلم بأني محافظ عليه
في العام الماضي تعطل القير وقمت بتوضيبه بالكامل والقير الآن موضب جديد من أقل من سنة .
أيضاً تعطل كومبيوتر الدبل بدون مقدمات وقمت بتغييره بكومبيوتر جديد .والدبل شغال الآن
قبل أقل من شهر طلع صوت بالكرونة وقمت بتغيير الدفرنس كامل .