سالفة الحصني والذيب
 

فيه حصني وذيب في البر والذيب يحاول يدور فرصه لياكل الحصني والحصني بالشان متورط لانحاش لحقه الذيب وكله وهو ماوده يبين لذيب انه خايف منه المهم جاء الحصني لحصاه صغيره وقام يلعب يجي فوق راسها ويطمر ويرقا ويطمر منها قال الذيب بلعب معه لين تغيب الشمس وزبط العشاء على الحصني قال بلعب معك قال الحصني لا هاذي حصاة ابوي العب للحالي قال ونا قال الحصني عان حصاة ابوك وراك يقصد راس الضلع قال الذيب كيف ابوي طمر من راس الضلع قال الحصني ابوك ذيب على السمه مهوب انت يالرخمه مزري تلعب مثل ابوك قال انا ولد الذيب وهو يروح يرقاء راس الضلع يوم تهايق للرض مهيب حوله قاله الحصني اطمر قال بطمر الذيب مايجيب الا الذيب هو يطمر جايك الذيخ من حد السحاب ماحوله ارض ويحضر على فرتة لظهره مكسور وصايبه شلل نصفي قال الحصني ها لحين زبط الغدا ويجي لذيب من خلف وياكل من الذيب والذيب مايقدر يمشي قال الذيب انت يوم تاكل من وارى ليش تعال اكلني من قدام قال الحصني والله ماودي اشوه وجهك انت صديق وغالي يوم امسى اليل لذيب مكانه هيكل عضمي وفاز الحصني على الذيب انتهت القصه\\اتمنى انها تحوز على رضاكم