الغلط مني ولا من السمك :(
 

السلام عليكم









كيفكم يا حداقه :D

ابغى اصيد كم سمكه زي الناس بس ماعرفت:(

يا اخوان والله ما خليت شي ما جربته انواع الطعوم جربت
خثاق -روبيان- عجين- لوزين- قطع من سمكة وحرة صغيره-قطع من سمكة ثانيه صغيره :(
والله اللي صدتهم بس اربع سمكات 2 وحرات وحده طولها يمكن 5 سم والثانيه يمكن 10 وثنتين سمكات صغار اصغر من كف يدي:D

الميادير عندي كل المقاسات الين مقاس 17 وماجربت الكبار يعني اكثر شي حاولت فيه من مقاس 13 الين 17
والطعوم اركبها صح بعضها تطير لما ارمي وبعضها مدري وين تروح احس السمك ياكلها لاني احس بضربات على السناره ورحت اخذت جرس وفكني من شر الوسوسه رقبتي بتنكسر من كثر ما اناظر في السناره:mad: ونسته براس السناره يوم رميت وشكله وصل ايران من قوة الرميه:D

وما خليت مكان ما رحته بالشرقيه
رحت شاطئ ارامكو -الهافمون.الصدف.المرجان.الامواج دلافين وقت الفجر:D اخذت سمكة صغيره وحطيت ميدار كبير فيها على بالي بصيد دلفين ولا عندك احد:(-شاطئ تاله

يعني الوضع ما يسر لا صديق ولا عدو :mad:

ورحت محت اغراض الصيد وشريت عوامه صغيره ولا نفعت بشي
وبغيت انحشر في المحل
لقيت واحد يدور ميادير ويقول /ياخي الميادير ذي صغار:(
وانا اتلفسف واقول /على حسب الي تبغى صيد كبير ولا صغير:D
ويتلفت لي وشفت في عينه نظرة صياد محترف:mad: وقالي/
ياخي عارف بس شوف فتحة الميدار صغيرة وهذي تايواني وعندك الفرنسي والياباني ومدري وش وووو.......... جلس يتكلم وقام طلع صندوق تحت انا احسب الصندوق حق المحل وقام يقلي شف ذا وذا مو زي ذا وانا سااااااااااااكت كانه واحد عنده اربعميه ونسى يقولها :D

وشوي انقذني منبه الجوال كنت موقته على شغله وسويت انفسي انه جاتني مكالمه و انسحبت زين ما كفشني :D ولا كان اخذني طعم :D

المهم وش رايكم بوضعي اعتزل ولا فيه شي انا مسويه غلط:(