منتدى استراحات زايد - مقطع صيد الوعول نادر من تصويري { .:" ابــ جهينه ــن ":. }

السلام عليكم ورحمة الله وبركااته

وش اخبااركم ان شاء الله طيبين صغير وكبير ..؟

هذا مجموعة مقاطع جمعتها بمقطع واحد عن الصيد بالجبال واختيار الوعل السمين وترك الاراوي اللي هي اناث الوعول حتى تكبر صغارها والحفاظ على هذا الحيوان الجميل وصيده بطريقه غير جائره

وطريقة قنص الجبال ممافيها من تعب وصعوبه والا انك ورا التعب هذا كله يهون عليك تعبك اذا شفت شي يستاهل

وكتبت لجل هذا المقطع ابيات شعر متواضعه احببت ان تشاركوني هذه المناظر الجميله

وهو من تصويري لاحدا المقانيص اللي قنصتها بشوامخ الجبال ...

لكم اولاً ابيات القصيده ...

امشي على ذيك الدروب العسيره .:":. والعين سابرها على كل مقطاع

امشي واعاكس بالهوا كل ديره .:":. اداري اللي شوفته طب الاوجاع

وليا وصلنا حدود راس الوعيره .:":. ذيك الفياض اللي مرابض للاشباع

فيها العشب والشيح فايح عبيره .:":. والماء بذيك العين تمشي لهالساع

دربل على ضلال الرتوج المحيره .:":. ولقيت منهو مطرق اليد بالقاع

واخترت ابو ذيك القرون الكبيره .:":. ونقلت بالحبه على قلبه اقطاع

وأياك تذبح شي تندم بغيره .:":. اقنع برزقك والحذر من هالاطماع

شيٍ يفيد اليوم وشيٍ ذخيره .:":. والنفس ماتتعب من الرمي لاثاع

يوم اعتلا صوت النداوي بشيره .:":.الكل منهم يعلن اليوم فزاع

هذاك درهم للبدن ياخبيره .:":. واسلخ ولاتنسى ترا الكبد منفاع

وهذاك شب النار يازين خيره .:":.حلوه ومره تشبع الكيف لاجاع

وعقب الوناسه والعلوم السفيره .:":. كلن يشيل القسم جنبه بالامتاع

نرجع لهلنا وراكد الجوف طيره .:":.شبعان ومبرقع على ذيك الاضلاع

وســـلامــتـــكـم

@@@@@@@@@@@@

اتمنى اذا نقل الموضوع يتم اخباري بمكان نقله

دمتم بخير يالغالين

كل الود ..

الجهني ..