|
((((تركيب فرارات للشاص بالصور)))) السلام عليكم ورحمة الله وبركاتة مساكم الله بالخير جميع كنت قد كتبت موضوع بعنوان (وش افضل فرارات للشاص)على هالرابط http://www.mekshat.com/vb/showthread.php?t=506121 والشباب ماقصروا لأني كنت ادور على افضل شي من ناحية التحمل والجودة ووقع الأختيار على الآيسن اليابانيه حقة الوكالة النكته ان عندي فرارت برازيلية كنت مركبها على اللاندكروزر يوم بعته فكيته منه وكانت شبه جديده لأني ما استخدمتها اللا مدة قصيره يوم طرى علي اركب فرارت للشاص خذتها ورحت للسليماني اللي في شارع الغرابي قلت ابي اركبها على الشاص شافها ثم قال ماتصلح فيها فضاوة وبطلع صوت اشتر جديدة قلت هونا ثم بعد فتره كتب الموضوع السابق علشان استفسر عن الأفضل بعدها دورة على الآيسن وصار فيه اختلاف بين موديلات 2000م وطالع عن اللي قبلها وبعد البحث لقيت وحده عن الضحيان بسعر 2000ريال:( يعني الجهتين مع الخصم بـ3آلاف وشوي:eek: قلت مالي إلا البرازيليه وش نسوي وسألت واحد من الربع معه شاص2007م قال مركبها من اربع سنين ولاشفت منها شر قلت توكلت على الله واروح امس للغرابي وخذت معي اللي عندي الأوله وقلت يولد احتياط المهم السليماني له فرعين في الغرابي واحد في شارع الغرابي المعروف والثاني إذا جتك الإشارة تلف يمين معرض كبير واجي واطلع الفرارت اللي عندي قلت ابيك تركبها قال بـ50 ريال قلت مهيب مشكلة هي تصلح ولا خربانه شافها ثنين من عمالهم قالوا سليمه قلت اكيد قال اكيد قلت فرعكم الثاني يقول خربانه قال يمكن يبغاك تشتري جديده:mad: حسبي الله عليه المهم ركبوها وجربناها عندهم وشغاله ولا فيها إلا العافيه وهذي صور التركيب الأول صورة الفرارت والثانية بعد مابدى يشتغل http://www.mekshat.com/pix/upload05/.../mk80951_1.jpghttp://www.mekshat.com/pix/upload05/.../mk80951_2.jpg http://www.mekshat.com/pix/upload05/.../mk80951_3.jpg وهذي بعد مافك الغطاء http://www.mekshat.com/pix/upload05/.../mk80951_4.jpg والحين بدى يطبق الفرار http://www.mekshat.com/pix/upload05/.../mk80951_5.jpg http://www.mekshat.com/pix/upload05/.../mk80951_6.jpg وهذي صورة الفرارت ينظفها من الشحم الزايد ويشيك على الوجه http://www.mekshat.com/pix/upload05/.../mk80951_8.jpg والحين يركب الغطاء حق الفرار http://www.mekshat.com/pix/upload05/.../mk80951_9.jpg وهذا هو الشكل النهائي http://www.mekshat.com/pix/upload05/...mk80951_10.jpg وهذي صورتين فوق البيعه لعيال اختي الله يصلحهم قالوا صورنا نبي نطلع في منتدى مكشات http://www.mekshat.com/pix/upload05/...mk80951_11.jpg http://www.mekshat.com/pix/upload05/...mk80951_13.jpg الفرق اللي لاحظته خفه في الفزه وبعد الـ120 تحس الموتر هادي ولا فيها عره يعني تريح الموتر في الخطوط الصرفيه مابعد جربتها فما اقدر احكم ادعوي بالبركة والتوفيق جزاكم الله خير تم بحمد الله والصلاة والسلام على رسول الله آسف على الإطالة |
| الساعة الآن 04:55 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir