|
مقناصنا انا والربع وانشاءالله ينال اعجابكم بسم الله الرحمن الرحيم السلام عليكم ورحمة الله وبركاته الله يصبحكم بالخير جميعا مشرفين واعضاء وزوار مكشات بنزل لكم بعض الصور من مقناصنا وان شاءالله تنال اعجابكم وفيه بعض القصص الي تقطع الوقت في هذا الصيف وحره الى ان ياتي الصفري الي يونس كل صقاروالله يكثر الصيد في العام المقبل ويجي الوسم على حله اللهم امين اول قصه مع هذا الطير طلع معي مره وكان الجوغائم مره ومطر على الخفيف وهديته وراح وحول على ذيك القشعه لين فيها حويمه الي تحاوم الطير الله لا يعيده لعبت في عين الطير قشها في القشعه وطارت وقام يخطفها ويوم ارتفع معها والمطر ينزل بغزاره شديده ولاعاد شفت الطير من المطر والارتفاع واشغل الجهاز يوم خف المطر واحصله موقع وانطله الشلو ماجاء واجيه قريب وامسكه لينه يحك عينه بثومت جناحه وشفيه وشفيه لين المساحه الداخليه الي بعينه الي يسكرها لمن طار وطرد لينها برا عينه الله لايوفقك حويمه لعبت في عين الطير وانا انصح الجميع ينتبه منها ماينهد عليها خاصه والجو ممطر اوعج غبار لان الطير يمكن مايشوفها والقصه الثانيه طلعت للمقناص اناوالربع على انابنعزب كم يوم طلعنا انا مشيت من الصباح والشباب الي لحقني قبل المضحى وضحينا جميع والي لحقنا بعد المضحى وانافي المضحى غيم الجو وتراكمت السحب والمطر بدا ينزل علينا والاثر بدا يختفي وتفقنا بالرجوع للديره ونخلي مقناصنا الى ان توضح الجره الاثر يعني بعد ايام ورجعنا كل واحد ماسك عرق ومروحين ونتراسل بالجهاز والطير مفرع على التكيه يوم خذيت لايوم طلع وينتق واقضبه ابي اتاكد لاتكون حويمه بعد مثل الاوله لانها سببت لي مراعه اخاف تكون هي وينتق ثانيه وعينه شاتحه وانا امشي على طلعه ابي اشوف وشهو شايف ماشفت شي مشيت حول اربعمائه من الامتار والطير تكسر قلت وشهو شايف خله يروح حسيت انه شايفها وفعلا يوم انطلق مني وراح 100 متر لين ذااك الخرب وراء ذيك القشعه يكوبر ويمسح عليه واطيره ويوقع والطير يخطفه من قريب من الموتر مرتين او ثلاث وانا اطيره واسوق معاه واتحرى الطير ينزل عليه ماعاد نزل التفت ماعاد شفت طير قلت وين راح طرى علي شي ماهو زين قلت يمكن صدم في الموتر او دعسته وانا اطالع وراء واتشوفه والخرب ذب الطعس والطير ماجاء يمكن ابعدت عن الطير يجي ثلاثمائه متر والتفت واطالع وانا اطالع وراء لين قدامي حفره جنب الطعس وماشفتها وهف الموتر فيها ونشب خشم الجيب في الطعس وخلفيت الجيب متعلقه في جال الجفره وحتى اللوك حق الدبل علق رفض يشتغل وانزل ادور الطير ماعاد شفته قلت لاقدر الله اكيد دعسته والطيور الي بالسياره اشتغلت من البواري يوم اطير الحبارى لين خويي جاي قلت شغل الجهاز وشف الريشه تجيب والا لا قال طيب وشغل الجهاز قال ابشرك ماتجيب عشان مايكون الطير قريب حتى مايكون انه مدعوس ويجي ونطلع الموتر وانزل واشغل الجهاز على الريشه لينها تدق على الواطي القريب في محل الحبارى يوم اطيرها للطير قلت بس مدعوس قلت لخويي رح محله شفه مشاء شوي ورجع والله ماني رايح ماابغى اشوفه قلت الله يعين مشينا ندوره في محله وافر بالسياره ولا شفت شي والله شي غريب ليني اشوف ريش من ذيك الشجره الكبيره يطلع ويتاطير من الهواء هذا وشهو واروح للشجره لين الطير في قلب القشعه وصايد وشهو صايد صارت الحويمه العفنه ومادري وين جتنا منه ههههه والله شي يضحك وش ذالصدفه هذه القصه الي بغيت اقولها لكم لانها روعتنا وشي غريب يحصل هذا وبعدين توجهنا على وجهت الحبارى ودورناها وطاح فيه خويي رابضه في القشعه على وجهتها ونقومها لنفس الطير ويلحقها ويحولبها الي ريحنا ان الله جاب الحبارى والا كان رفعت ضغط وان شاءالله تعجبكم وجعل ماحد يصيرله مثلي مثل هذه الروعه ههههه http://www.mekshat.com/pix/upload05/..._ghjhbnvch.jpg وهذه الصوره صيدنا خارج المملكه هذه السنه http://www.mekshat.com/pix/upload05/...ertyhbcfgh.jpg طرحناها هذه السنه انا والربع والي محصله رفيقي الي معي يوم احصل الحبارى الي روعتنا هههه والله يرزق الجميع مثلها يارب وان رفيقي الي لقاها يلقى كل سنه مثلها والربع كلهم بعد الله يوفق الجميع بالطير النادر وانااعتذر من الجميع عن رداة الصور شوي وتقبلو تحياتي |
| الساعة الآن 12:08 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir