سوالف الصيف ( جير حر ماكره سطح فيلا 3 ادوار)
 

السلام عليكم
طلعت من البيت الضحي وشغلت سيارتي وشفت الحمام ينزل علي البيت ويلقط من الحب وانا انتظر السياره تسخن فجاه الا الحمام يطير بكل اتجاه وبسرعه وكانه شاف جن شوي الا الطير صار علي الحمام ويحاول يخطف منها وماحصل له شي ويكمل بين البيوت والحقه بالشوارع ومره اشوفه ومره تخفيه البيوت وادق له هرنات الا يوم نزل علي صوت الهرن ووكر علي فله ثلاث ادوار وعينه لي وارجع واجيب حمامه ودس وملواح واجيه الا علي حاله فوق السطح والله ياجماعه المنطقه راقيه وفيها اجانب وغيره ومو مالت مقناص ابد وانا اروح اخر الشارع وانزل بملواحي وحمامتي مربوطه فيه والناس يقولون مجنون وشعنده هذا وانواع الفرجه وانا عيني علي الطير والوح له من غير صوت ويجيك كارب يمشي مليون من اول الشارع ويمسح الملواح ويتعقرب ويمسكه والمتفرجين يصفقون ويصايحون وانواع الاحراجات
وامسك الطير من سبوقه وابرقعه واروح البيت والشارع كله ريش ابيض وادق علي راعيه ويقول ضايع صار له يومين والطير ستر الله عليه منفلت الجرير ومسوي شكل مثلث مع السبق يعني اي شي يمسكه ويعوقه وسلامتكم