|
سالفة:وش اللي بالتجوري..قوافي http://t3.gstatic.com/images?q=tbn:A...DCA5hRcf_LoLDe السلام عليكم ورحمة الله وبركاته حيا الله مشرفينا الكرام اخواني اخواتي المكشاتيه وزوارنا الغاليين ابحث يمين ابحث شمال بشنطة الذكريات اجدها ملئى بجمال مافات وانتهى بركوبه قافلة اللا عوده لهذه الحياة.. تذكرت موقف من 41سنه مع خالتي رحمها الله واسكنها فسيح جناته.. خالتي كانت عمياء من الصغر وياسبحان الله على الحاسه اللي عندها اشد من المبصرين .. خالتي الغاليه كان عندها تجوري حديد كبير اشبه بدولاب من كبره ..اللقافه وحنا صغار مانخليها والسوءال الدائم خاله وش تحطين بالتجوري تقول :بردزان يعني برتقال ومره تقول :حلاو تمر ومره قالت:حبستن فيه جنيه تاكل البزارين الملقف او الملاقيف:eek: ولين جت تفتح التجوري تصك باب الغرفه عليها وحنا ودنا تخلينا نشوف او نقعد بالغرفه لكنها تعيي:mad:.. بيوم درينا انه بتفتح التجوري دخلنا الغرفه قبله وحنا متأكدين انه مهيب داريه ان فيه احد وتكومنا بركن وحبسنا انفاسنا نبي نشوف الجنيه..:good2: قالت خالتي من اللي بالغرفه ماردينا ولا كننا نسمع :D ضحكت وقال اييييه طيب يعني مابه احد والصمت والأمن مستتب لا أحد يرد..ولا تسمع إلا صوت الشخير هخخ هخخخ من شد التركيز.. قامت وصكت باب غرفته بالمفتاح كالعاده وفتحت باب التجوري وقالت ياجنية البزارين اطلعي وكولي كل الملقف اللي بذا وهي تضحك وحنا ما عاد ندري وين نروح واقرب مالنا الشباك على حوش البيت ومطامر وصراخ واللي من الخوف عجز يقوم من مكانه واللي سالت حدره الشعاب:lوعقبه تحط اللي تحط وتصك اللي تصك مالنا دخل وانقطعت لقافة وش اللي بالتجوري..تحياتي اختكم ..قوافي.. |
| الساعة الآن 05:47 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir