تشخيط ساعه بس اكشن عن يوم كامل - الكويــــــــت
 

السلام عليكم ورحمة الله وبركاته...

اخوكم مخلد المطيري من الكويت..

التقرير عن طلعة قمت بها مع صاحبي بو جاسم (محمد السبيعي) في بحر الفنطاس في الكويت..

انا كنت على قاربي النفخ المزود بمكينة كهربائيه بقوة 55 باوند (2 حصان تقريبا) تشتغل على بطارية 12 فولت 75 امبير كافية لرحلة مدتها ست ساعات. وهذي صورته..
http://i1092.photobucket.com/albums/...d/f2ab731f.jpg

وزميلي بو جاسم يستعمل كاياك ماركة Ocean Kayak طوله 14 قدم وهذي صورته

http://i1092.photobucket.com/albums/...d/f2ba7c32.jpg


طبعا طريقتنا في الصيد كانت يا تشخيط أو لفاح... يعني يا نحذف المجارير ورانا ونمشي لين يضرب شي او كنا نوقف ونحذف المجارير ونسحبها من موقع ثبات.. انا عن نفسي احب التشخيط..

طلعة اليوم ما كان هدفها صيد سمك للأكل ولكن السمك اللي يسوي أكشن .. وسمكتي المفضله لللأكشن هي الضــــلـــــعــــــــه!!

اللي صاد الضلعه يعرف انها من أشرس الأسماك في الخليج العربي من حيث قوة وعنف هجومها على السمك الصغير..

وهالوقت من السنة تكون متواجدة بكثر وبأحجام تخوف..

الطلعة وقتها كان من اربع ونص العصر الى ست ونص.. صحيح ساعتين ولكن الأكشن والوناسه كانت تسوى طلعات ست وسبع سااعات ولا فيها شي يذكر..

المجرور أو الطعم الصناعي أو اللعفه الصناعيه المستعمله لونها برتقالي صنع صيني ومن النوع الطافح ولا يغطس حتى مع السحب.. ومن النوع المزعج وله صوت قرقعه تخلي الضلعه يجيها الصمرقع!!

كما في الصورة..

http://i1092.photobucket.com/albums/...d/4a09386f.jpg

ما راح اطول عليكم بالهذرة الزايدة...


المكان كانت الضلع فيه واضحه وتسمع وتشوفها تبلع في المنجوس والزوري.. وبمجرد حذف المجرور وسط الزحمة تم الابتلاع بشكل سينمائي... بحيث نقزت في الهوا وروااااااسي على المجرور.. خساره ما تم التصوير فيديو ولكن لنا عوده ان شاء الله وهذي اول ضلعه..

http://i1092.photobucket.com/albums/...d/161401c9.jpg

http://i1092.photobucket.com/albums/...d/2d403839.jpg

وهذا بو جاسم قال ابي تذكارية معاها

http://i1092.photobucket.com/albums/...d/7274dfa5.jpg

وبعد وحده

http://i1092.photobucket.com/albums/...d/741699f7.jpg


طبعا الله رزقنا بثنتين والثالثه صغيره ولكن في ساعتين كان الأكشن لا يوصف...

وهذي ختامية على الشاطئ

http://i1092.photobucket.com/albums/...d/f8b24f75.jpg

http://i1092.photobucket.com/albums/...d/bc61fe62.jpg


والصور تم تعديلها من زميل لي محترف تصوير وتعديل صور وهذي النتائج

http://i1092.photobucket.com/albums/...d/d9d00aaf.jpg

http://i1092.photobucket.com/albums/...d/b125798d.jpg



تقبلوا تحياتي والسموحه على الإطالة



اخوكم

مخلـد المطيـري