منتدى استراحات زايد - مساعده من اصحاب الخبرات ... ممكن ؟؟

السلام عليكم ورحمة الله وبركاته
مساء الخير ياخوان
احتاج معونتكم واستشارتكم
ابي اشتري كاميرا احترافيه واسألكم للاستفاده والاستزاده من خبراتكم بحسب تجاربكم
قبل ابدا احب ابين اني حددت مبلغ للكاميرا لايتعدى السته الاف ريال
وانا احب التصوير واعشقه بهوس لكن ماعندي احترافيه ولا عندي ادنى معرفه عن عدة او اعدادات الكاميرا
احب التصوير لكن لااحب البحث عن الاستكشافات احب الشي يطلع اثناء الاستخدام الطبيعي
السنه الماضيه اشتريت نيكون p100 الشبه احترافيه اول مانزلت لشدة اعجابي بزومها 26
ولاني قرأت ان افضل شي للمبتدئ شراء الشبه احترافيه والتعلم عليها
وصراحه بعد التجربه اكتشفت خطأ هذا الكلام
لاني بالفعل حاولت اسوي اكتشافات عليها وعجزت لقلة اعداداتها او اني مافهمت لها
حتى ماطلع لي اي اكتشفات اثناء استخدامي الطبيعي لها الا الشيء اليسير مقارنه بكثرة تصويري
المهم اني اخذتها بالفين ريال وماستفدت شي منها وبعتها قبل 4 شهور ب900 ريال
والان قررت اشتري الاحترافيه
سؤالي
هل اشتري احترافيه حديثه ومتطوره وعدسه شامله مثل نيكون d7000 او كانون 7d
او اشتري كاميرا اصدار قديم ورخيص واخلي السعر الغالي بعدسه مناسبه بحيث لايتعدى المبلغ السته الاف ريال للكام والعدسه
ويكون الكام في الحاله هذي ممتاز واستفيد منه لسنوات قدام
واذا نصيحتكم اني اشتري واحده من هذي الكاميرتين ( d7000 او 7d)

رايكم اي منهم افضل واسهل ويناسبني واي عدسه تنصحوني فيها تناسب لكل واحده منها
بشرط يكون فيها كل المواصفات الي احتاجها وتغنيني عن استبدالها مده طويله
مع العلم اني اعشق خاصية الزوم العالي والعزل
واهتم من تصوير الحركات السريعه والدقيقه
يعني باختصار ابي كاميرا تدوم معي مع تقدم الزمن ولا احس معها بنقص في المواصفات
لاني من النوع الي ماتحب بيع الاجهزه الي تقتنيها بسهوله
اضافه الى ذلك
ابيها ممتازه للصور الفوتوقرافي وايضا الفيديو
لكن بتقدم الفوتوقرافي ع الفيديو
اتمنى مااكون اطلت
في انتظار الاراء من الخبراء

ودمتم