|
تطعيس الهايلكس ... بسم الله ... اليوم نحكي لكم عن موقف حصل وحنا تونا داخلين الجامعة (اول سنه بالجامعة) الشباب دايم يجتمعون عندي في نهاية الاسبوع وكنا نلعب بلوت بالملحق لين نمل . المهم جوني ليلة الخميس وقالو وشرايك نطلع للبر قلت يالله توكلنا على الله . قومو نحمل العفش . وكانت عدة البر جاهزه الخيام والزوالي واغراض الطبخ والماطور . والله ونحمل عفشنا وعلى الساعة 12 وحنا طاقين الخيام وبدو الشباب يجهزون العشا . انا من اللقافة قمت وقلت من يبي يخاويني ابروح اطعس قامو اثنين من الشباب الي كاتب الله عليهم القراده وخاووني ركبنا الهايلكس وخذ ياتطعيس واخوكم غشيم ومتعافي وخذ ياظحك وتطعيس لمدة ساعة والله . والمشكله اني اسرع بالطعوس وظلام ( الله لايبلانا تطعيس بنصاف الليول)المهم واظرب بهاك السيف لطعس (السيف هو حد الطعس كنه جدار) الا والله يوم طفا النور وطفت السيارة . ومأسمع الا ,,,اي ,,اخ,, طخ الا اخوياي يقولون وش صار,, وش صار قلت ماصار الا خير بس تعرفون تطعيس وبليل وعادي ترى دايم تصير (مسوي نفسي اني راعي تطعيس وانا من جمبها ) المهم ولعنا نور السياره حق الغمارة الا خششهم تصب دم ومليانه رمل :d(صاقعة خششهم بالطبلون ) قلت انزلو دفو ..ويدفدفون لهم حول الساعة وانا مروق بالسياره (صحيحين ههههه) المهم يوم طلعت قلت لازم امشي شوي ترى مقدر اوقف عشان ماغرز وانتم الحقوني ابوقف قدام :dوالله ويمشون حول كيلو يلحقوني يوم وصلو يقولون يالله نشوف اصطبات الموترنحسبك بتنحاش عنا ,,قلت اركبو بس الحمد لله على السلامه . ونروح لربعنا بالخيمة ونلقا عشانا جاهز ونحط عشانا والشباب ياكلون ويقولون للي طابخ الله يهديك يخوي حاط رمل بدل البهارات .. قال الطباخ والله خششكم الي مليانه رمل. ولا العشأ زين . :d نصيحه احسن شئ بالدنيا انك تصادق صحيحين (اي شئ تقوله يصدقون مايتعبونك عشان تقنعهم ) هاه عساها عجبتكم الله يغفر لنا ولكم . |
| الساعة الآن 11:49 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir