|
راعي العجراء .....يابابا اسناني واوا يا بابا اسناني واوا وديني عند الطبيب ما عاد بدي شوكولاته بس بدي اشرب الحليب السوسة نخرت في سناني ااه ااه اه اه يا اسناني هذه مقدمة هذه السالفه والتي حصلت معي هذا اليوم انتم عارفين اخيكم راعي العجراء كبير بالعمر الله يصلحه ولا يجهلكم سنون الشيبان من العويرا للزويرا كل ضرس بينه وبين جاره ارتداد 3سم بس لاتدريي البلديه الحين يصكوني بغرامه ويقولون عليك مخالفه المهم سنينات الشيبان ماهن سوا اللي متكسر واللي متحفر واللي متقطعات عروقه من عوامل التعريه لا اطيل عليكم بالسالفه اخذت علك من نوع فستكا اومستكا واخذت اعلكه وانقله بين هالضريسات بالدور وهو ماغير يتدربا بفمي تقول اسطوانة غاز بحوض ددسن المهم اخذت اعلك هالفستكا يوم دريت الا بشي قاسي وان اطلع هالقاسي والعلك مازال بفمي ولها رصاصة ام صتمه طايحه بحفرة وسط الضرس لها الله والعالم سنتين وانا بالصراحه مبطي عن الصيد بس وشلون قعدت هالمده ماحسيت فيها مدري بالرغم ان تواجدها بالضرس الاخير ولا ادري وشلون جت وانا اكتب هذه السالفه والرصاصه عندي معكم حق ماتصدقون بس هذا اللي حصل ومازلت مستغرب مثلكم وانا خايف يوم القى فشقة شوزن متوسع هذا وتقبلوا فايق احترامي وتقديري وقبل الختام سبحانك اللهم وبحمدك لااله الاانت استغفرك واتوب اليك دتم بخير |
| الساعة الآن 08:40 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir