![]() |
قصه وقصيده طريفه بالمقناص قنصت انا وواحدن من الربع عيار ووشاعر وبه قراده ولايعرف عن الطيور شي يوم قنصنا كان معي طير وحش وطير بيتي صايد ولا جرت هكا الخرب جديده المهم خليته يسوق وفكيت برقع البيتي وخليته على التكيه ابتبع الجره وهو وراي عشان اوجه اتجاه الحبارا المهم كفخت الحبارا قدامي ولافك البيتي خطف الوحش من ورى المرتبه وحول به وفك برقعه وزته المهم اغدينا الطير والحبارئ وسط الربكه امرحنا قلت جزاك انك ماتنام الليله جلست على النار ×وقلت لاعاد يومن قنصت أوياه الخبل لاشيمه ولامروّه ضاع طيري لاوحلولاه والجوف ولعت بي ظوّه ×× × × × × × × × ×اثريه يسمعني رد قال: ياطول ليل الشتا طولاه يابدر خليتني بوّه ياوين ادور وياوين القاه يابدر لاعادت الخوّه ×× × × × × × × ×رديت قلتله : ياحلو ردك يالخبل حلواه واثريك مطفوق ومفوّه بسامحك ونشتري شرواه وانت كل ماتبي سوّه ×× × يحسبني ذليت من رده قال طرقن طرقته على عمياه هبوب صيفن بلانوّه قطع يالمقناص مع طرياه اثره غرابيل وزروّه قلت ابك ياسعد وشلون شلناه خله علئ الرجم بعلوّه خل هبوب الشمال اتمثناه اغديه مايعاود السوّه وللقصه بقيه لايسعني الوقت لكتابت اخرها ×× × ونعدكم بتكملتها بالايام الجايه |
| الساعة الآن 01:20 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir