منتدى استراحات زايد - سالفة:عرس ليمونه..قوافي

http://t0.gstatic.com/images?q=tbn:A...ABq1cg8QzS2X8g
صبحكم / مساكم الله بالخير والبركات
حياكم الله مشرفينا وأخواني وأخواتي المكشاتيه وزوارنا الكرام..
سالفتنا تتكلم عن احد العوائل الطيبه واللي تعيش على النيه الطيبه ..
العائله عندهم ولد شاب وعليه قل صح وكان تفكير العائله انه لين أعرس يعقل واكيد المقوله هذي خطأ زود على كذا وش ذنب بنت الناس تحتريه لين يعقل ويمكن يبتل على حاله وتنشب هي..
اقنعت الام ابو سميط انهم يزوجون سميط لعل بعرسه يهديه الله ولا يعود على لعبه وهباله من شارع لشارع..سميط كان اي شي يقال له يصدقه ولا عنده سعه بالتفكير كلش على قده وقد فهمه..
وافق ابوه يخطبون له وبدت رحلة الكر والفر للبحث عن عروس تليق بسميط ..
دارت ام سميط ودارت من بيت لبيت ألين لقت عروس تناسب ولدها..رجعت للبيت وبدت توصف العروس وسميط قاعد وآذانه صايره تقل دش متحرك يسمع الاوصاف ومستانس فاق خشته بيعرس:D يوم قالت الام:
مدري وش أوصف مدري وش أخلي تقل ليمونة بن زهير :s يوم شهق سميط :f وش تقولين؟؟ قالت :ليمونة بن زهير وش بك كل ذي فرحه:p:p
وسميط فاهم الموضوع غلط وبدت راسه تدور:l وطلع بسرعه من البيت وراح لصديقه وكان مايزيد صحاحه عن سميط ..
والام تحسب ولده فرحان من الوصف ما درت انه طيرت الباقي من ركاده براسه وقالت لبوه :يا اااااعميرتي فرح بالعرس:D
سميط شكا لرفيقه وقاله شفت امي تبي تزوجن ليمونه !! وشلون؟؟....
قال صديقه:
هاه!! وشي؟؟ فيه أحد يعرس على ليمونه؟؟ وجاب ليمونه من المطبخ وقعد هو رفيقه يناظرونه وقال الرفيق لرفيقه العريس لاااااااا :eek: اصحاك توافق..
تجهزو للعرس والعريس بوادي ثاني مهوب مصدق ومصمم انه ماراح يوافق على ليمونه ويوم جا عقب العشاء ويجي إمام المسجد او المذن وبدى بالملاك ويوم صرخ سميط بعلو صوته لا لا ما أوافق انتم مهابيل!!! تبون تزوجونن ليمونه ..ليمونه :mad: ناظرو من يعرس على ذي وطلع من مخباته ليمونه ويوريهم :l
الناس اللي طارت عيونه واللي مات من الضحك وانتهى العرس من غيرما يتمونه وكلن راح بيته واكيد سميط كان فرحان ..ما أعرس على ليمونه..تحياتي
اختكم
..قوافي..