السلام عليكم ورحمة الله وبركاته
حياكم الله وبياكم اخواني المكشاتية
بدايه اعذروني على عنوان الموضوع لكني حبيت الكثير يشده الموضوع ويدخل يشوف العلم الحقيقي

الكلام عن قرية القطان الي سميتها المقلب الكبير ولا تستعجلو علي بيجيكم التفصيل الممل

عدد افراد الرحله
4
وقت الانطلاق
الساعه 4 عصرا

وقت الوصول
الساعه 5 عصرا

طول الطريق الحديث لم ينقطع عن الكلام عن القطان الي اول مره نروح لها واحد يقول الهوامير والثاني يقول البياض والثالث يقولو ابي عقمان ياساتر وحوش معي في السياره
لايزعلون علي كلهم احباب


عند الوصول منعنا من الدخول الا بعد دفع المبلغ 30 ريال والسبب بحجة وجود عوائل
قلنا طيب دفعنا المبلغ 30 ريال عن كل شخص

دخلنا القرية وصلنا الكساره وحنا متجهين لها نشوف من بعيد ناس على الجهي اليسار منها وصلنا بدء الاستغراب الناس كلها على اليسار يمين ووسط الكساره فاضي
قلت ياولد يمك الصيد يسار
على طول الكل عجل نزلنا القصبات والعدة سينا والرمية الاولى بعد فتره نسحب نغير طعم تصغير بدء الاستغراب قلت ياولد الرمية الثانية نفس الشي الثالثة والله قوة تصخير قلت وش مجلس الربع يسار وقوة التصخير ذا رجعنا الى العوامات قلت تفكنا من التصخير
من الخامسه والنصف الى الساعه 1 ليلا كل الشعب في جهة اليسار قرابة 14 قصبه

ماتحرك منها ولا قصبه

قلت خلني اسأل اي واحد عن المكان لقيت واحد من الي معنا رامين قصب قلت انت دايم هنا قال نعم قلت كيف الصيد قال مافيه شي قلت وش يجيبك اجل قال اغير جو

ههههههههههههههههههههههههههههه


120 كيلو الطريق تقريبا رايح كل اسبوع يغير جوا ياخوي جدة مليانه حدايق الله يصلحك والبحر قريب

لا وبعد منزل القصبه

غريب ؟؟؟؟؟؟


قلت والله اصحاب القرية لو يدرون انه الصيد عندهم طيب ماخلو الدخول 30 ريال
طبقنا العدة ورجعنا لجدة


الي ابي انبه له يا اخون في ختام موضوعي
الردود الله يبارك فيكم لا احد يسأل عن مكان يجي واحد يقول الهوامر والعقمان وهو مايدر وين تقع النطقه ماتعرف ياخوي لاترد الله يجزاك خير خل الامر لمن راح وشاف

ما اطول عليكم السلام ختام