السلام عليكم شباب

بما ان اهل ركاب وعزب وبعض الحلال يسرح من الصبح ويرجع المساء ولكن احيانا يتاخر والا يروح بعيد عن مكان العزبه ويتعب راعي الحلال في ايجاد المطايا وخاصه اذا اختفت قبل ايام يلقى صعوبه في اقتفاء الاثر ويتعب حتى يلاقي حلاله ويرجعهن العزبه مره ثانيه ! ! !


بما ان العصر صار كله بالتكنولوجيا ليه ما نشد الهمه ونصنع رقاقه توضع في جسد الناقه وتتبع عن طريق تقنية ال gps , وبكذا يرتاح صاحب الابل عن طريق الموبايل يراقب حركة الابل وهو جالس في بيته ما يخاف عليهم من حوادث الشوارع ولا يتعب وهو يبحث عن الابل وهو رايح العزبه يشوف موقع الابل وين عن العزبه واذا الابل موجوده في مكان بعيد يروح الى المكان اللي موضح في ال gps ويطمن عن حلاله ! ! !

اللي عنده خبره في مجال ال gps ويقدر يدلنا ع طريقه وبنكون شاكرين له وبينال الاجر والثواب ان شاء الله ! ! !

شباب منتدى مكشات ما شاء الله عليكم عارفين باجهزة ال gps وهذا موضوعي واللي يعرف اي جهاز يمكن يفيدني لا يبخل بالمعلومه وبنفك وان شاء الله فاله الاجر والثواب ! ! !