|
((((((( وكري بسبوقه عام )( 1393 هجري ))))))) السلام عليكم ورحمة الله وبركاته في عام 1393 كنا اهل بيوت طين شمال الرياض شاهدت طير شد انتباهي السبوق الجلد اللي بسيقانه على احد اعمده الكهرباء الخشب كنت في ذاك الوقت ادرس بسادس ابتدائي قلت لخويي نبي نمسك الطير قال ماحنا بعارفين له قلت اباحاول راقب الطير والغنم ونا بعود للبيوت تبعد حول كيلوين واجيب لحمه ورجع لخويي والطير بمحله ونادي عليه بكل اسم مر علي وتالي حذفتله اللحمه يمكن انها تازن حول كيلو ويحول عليها واجيه الا الطير ماهويمي ينتش من اللحمه ايلين مسكت اسبوقه واخذه بغترتي هو ولحمته قلت لخويي الحقني بالغنم يوم شافه ابوي رحمة الله عليه قال الطير غادي وقام يتنشد وعلم حضرت المسجد وخذ عندي خمسطعش يوم وبذاك اليوم رجعت من المدرسه ولاحصلت الطير وعلمني والدي انه سلمه لرجال صقار من اخويا رئيس الحرس الوطني انذاك كم كان لذاك الطير اثر في نفسي وتولع به لم يكن مثل الان حجول وشريحه مابه غير نشر الموضوع بين المهتمين من الباديه والحاضره وخويا الامراء وكري كني اتحلاه كنه اليوم وسبوقه الجلد |
| الساعة الآن 07:49 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir