منتدى استراحات زايد - سالفة المحظوظ بس ماهو النبهاني

بسم الله الرحمن الرحيم
اخواني المكشاتيه
السلام عليكم ورحمة الله وبركاته
هذي سالفة تاجر محظوظ وهي قديمه يمكن قبل 200 سنه ابي أذكر لكم ما سمعت
هالمحظوظ تاجر ما عمره شرا بضاعه وباعه الا يربح ولا يعرف الخساره
كثرة فلوسه ولا يدري وين يوديه 00الصفاف انتلت والتنك مليانه ويدفن بهالارض ليا ما تعب
والناس تربح وتخسر الا هو 00 فكر انه يذوق طعم الخساره
وقال وشلون اخسر في بضاعه حاول وقعد يفكر وشلون يخسر
بيوم من الايام جت على باله فكره وعزم يطبقها على الواقع وش سوا
قام وسافر للمدينه المنوره في موسم التمر وشرا من هالتمير لين قال بس وحملهن على بعارين ونوى بهن سوق بغداد طبعا بغداد ديرة تمر وهو قصده البضاعه ماتجيب شي ويبيعه بخساره يبي طبق المثل اللي يقول ( يبيع الماء بحارة السقايين )
المهم وصل سوق بغداد وهي تنوخ ركايبه وحمول التمر عليه
يوم بانت البضاعه للناس اللي بالسوق سألوه عن الحمول كله تمر00 فرح غديهم يتراخصونه ويبيعه لهم برخص
قال لهم ايه كل هالحمول تمر
وهم يتزاقحونه ويطيرون سعر هالتمر بالعلالي :f قال وش السالفه قالوا هالحين بع تمرك ونعلمك وش السالفه
قال امري لله باع التمر همن مسك له واحد من تجار السوق وقال علمن وش القصه
قال له هذي السنه صاب نخل العراق آفه والانتاج من التمر قليل على شان كذا بضاعك يوم شافوا انه تمر تباشروا به وكأنها نازله عليهم من السماء 0
انتهت السالفه وقبل الختام ( انا أريد وأنت تريد والله يفعل ما يشاء وما يريد )
محبكم
النبهاني