منتدى استراحات زايد - سالفة رفيق ابو سليمان..قوافي

http://t0.gstatic.com/images?q=tbn:A..._k3yYbuPWB4f9V
السلام عليكم ورحمة الله وبركاته
حيا الله مشرفينا الكرام
يامرحبا بأخواني وأخواتي المكشاتيه وزوارنا الكرام
سالفتنا اليوم تتكلم عن بعض المهن اللتي كانت يمتهنها ابناء الوطن وكانو يعانون منها بالشتاء برد وبالصيف حر غير انها ببعض الاحيان تستغرق ايام غياب واحيانن شهر عن البيت والمبيت اما بجانب خط السفر او داخل السياره او اي مكان يتوفر للمبيت..وهي مهنة سواق تريله او لوري اللي ينقل فيه بضايع من السعوديه للكويت والعراق وسوريا والاردن ولبنان والعكس..ويسمى على ما أعرف بالعاميه(كداد خطوط)..
الاشياء اللتي ينقلونها من المملكه للخارج والعكس هي الخضره والتمور وبعض الملبوسات والصناعات ....ألخ
ابوسليمان أحد رجالنا اللذين يشقون عِباب الصحراء وطرقها الطويله لخدمة بلدنا المعطاء والبضايع اللي ينقلها هو وغيره للتجار ولايملك بها إلا حق التوصيل..
ابوسليمان رجال ما يحب كثر الكلام (القرق)ولا الحركه اثناء سفره عشان كذا يسافر لحاله ..مع السنين وهو رايح وجاي مل وتعب وقال بدور لي واحد راكد وقليل كلام ابيه لين وقفت ابستريح يسوي هو الشاهي والقهوه والغداء او العشاء وهي تقريباً الوجبه الوحيده الرسميه باليوم ..ووصفوله ناس واحد راكد ركود السلحفاة..
اتفق ابوسليمان مع رفيقه الجديد واتكل على رب العباد ومسكو الخط رايحين للعراق..ومن يوم مر عليهم بالخط تقريباً 3ساعات والرفيق نايم ..استانس ابو سليمان وقال بكيفه احسن حتن لين وقفت للراحه يصير هو شبعان نوم ورايق يزين لنا لقمه فيمني انام..
الرفيق بتل نيم وبلش فيه ابو سليمان يقعده للصلاة.. ويالله يقعده لين وقفو عشان يسوي شين ياكلونه وحتى الين جا يطبخ يغط بنومه وبحترق رزهم او مرقوقهم..
ابو سليمان صار مثل اللي (جبتك ياعبد المعين تعين لقيتك تنعان)..
وصار لين شافوه مبطي على هالجنب نيم نبهه من نومته وقاله نم على جمبك الثاني لا تتعب او قم صل . قم كل .قم حول وقفنا.قم نقطة تفتيش .قم طلع اوراقك وصلنا الحدود..بالعربي صار ابو سليمان هو اللي يخدمه..
وتضايق ابو سليمان من رفيقه ضيقه مابعده شي صار زود عباله عليه مهوب معين ..وتحمله الين رجعو للسعوديه وبوقفه من وقفاته القريبه من الرياض وقف للصلاة وكالعاده خويه بسابع نومه جا واقعده من نومه والينهم موقفين حول شجره وفارش ابو سليمان بساطه حدره.. حول الرفيق واكمل شخيره قال ابو سليمان
الديره ووصلنا وان عادت تعود يالرفيق.. وكمل نومك حدر الشجره وحط ابو سليمان القروش اللي اتفقو عليهابالمخبات اللي بصدر ثوب الرجال وركب تريلته وعلى الرياض..تحياتي
اختكم
..قوافي..