موقف حصل واتمنى أن تحكمون بأنفسكم..!!
 

السلام عليكم ورحمة الله وبركاته
حصل موقف بيني وبين أحد أعضاء المنتدى وأتمنى أنكم تحكمون وتقولون وش رأيكم عاد مدري هو يقرأ الموضوع أو لا يقرأه
الموقف هو إني نزلت موضوع اطلب فيه اف جي وأرسل لي أحد الأعضاء إن طلبي موجود عنده وتواصلت انا واياه بالخاص وقال انا حاد الموتر ب95000 وهو طبعا موديل 2008 فل كامل ماشي100000
قلت ماتقدر تنزل لي قال والله انا حاده بالقيمة هذي ان بغيته ولا خله قلت اجل اعتبرني شريته بس شرط الفحص والمعاينة قال طيب وقلت بس اصبر علي حتى ابيع موتري وعاد نتواصل كيف نشوف الموتر
المهم بعت موتري اليوم وتواصلت مع الرجال واتصل علي
قلت له كيف الموتر وكم حاده قال ماحديته!!!!!!!
استغربت قلت له طيب انت تقول حاده قال لا سكت وقلت طيب كم تبي فيه
المهم قلت له كم حاده قال والله انسام ب97
قلت انت تقول محدود ب95 والحين تقول منسام ب97
قال لي ماهو انا اللي نزلت الموضوع هذا أخوي ومدري كيف من هالكلام اللي أحس إنه ........بس ماني قايل طبعا كنت احاول فيه يبيعني ب٩٥ قال هذا اللي عندي وقلت له شكرا يامراسل مكشات في (........) على المصداقية وتذكر إن اخلاف النية ماهو زين....
قلت ع العموم الله يسامحك اللي خليتني ابيع الموتر واستعجل في بيعته...
ويشهد الله انه الان لو يقول تعال خذه ببلاش والله ماخذيته لكن الدنيا مدارس
انتهى الموقف وابي منكم يا أحبه تقولون الحق من هو معه لأني اتوقع انه يقرأ الموضوع.....