السلام عليكم ورحمة الله وبركاته
الله يعطيكم العافية ..
عندنا جيب لاندكروزر جي اكس ار 2002 اوتوماتيك طلعت مشكلة في التعشيقه الثالثه
ماتجي براحة نفس باقي التعشيقات يعني لاجاء يبدل ثالث طول شوي ويحن الموتر
واذا بدل تحس بنتقه واذا رفعت رجلك شوي من دعسة البانزين يبدل تمام
ماخليت شي الا سويته ماكو فايده حتى تي بي اس بدلته ونفس المشكلة
طبعاً الخمه حقين الكراجات متعودين على طبع مو تمام والكلمة المشهورة خلاص
دام فيه شي في التبديلات يعني خلاص ياتوضب او تبدل القير ويقولها وهو راهي واثق !
طحنا في واحد ابن حلال مختص في القيرات جايينه عشان يفحص كمبيوتر
وقال لا مولازم وركب يجرب الموتر وخذا لفه ونزل فتح الكبوت وقال هذا الخربان
وطلع كيبل مقطوع ويقول اسمه الكي داون ورحنا الوكالة وشريناه وشرينا معجون عشان
الكارتير لازم ينفك عشان يشبك الكيبل الجديد من داخل الكارتير

وهذي صور للكيبل ومكانه في السيارة :

http://www.mekshat.com/pix/upload05/.../mk41568_1.jpg


http://www.mekshat.com/pix/upload05/.../mk41568_2.jpg

شايفين الواير في آخرة قطعة تمسك الواير في محله ومقطوعة من آخرها وأثرت على
تبديلة القير الثالثة بالذات .

بدلناها والامور تمام الحين ولكن ودي اعرف شنو علاقة هالواير في التبديلات
وكيف صارت المشكلة بسببه
معقوله واير مقطوع وماله تأثير الا في التعشيقه الثالثة فقط