منتدى استراحات زايد - طلب مساعدة يارجال ..

اخواني الكرام، السلام عليكم ورحمة الله وبركاته
هذي مناشدة مني لكم ياهل المنتدى الطيب في خدمة انسانية، فأنا والدي مصاب بمرض عضال الله يجيركم وابوانكم واهليكم ومذكور لنا بصل ينبت في البر يقاله بصل البر او كراث البر، وناس تسميه العصنصل او العنصيل، شوفة النبتة شوفة كراث واللي يحفر عنها يلقاها عبارة عن بصلة غالبا ماتكون بيضا، يارجال انا دورت في اكثر من شعيب ولا لقيت، واقرب ماذكر لي بشعيب حول الأرطاوية يقاله السحيمي حول هجرة مصدة وبرزان، رحت ولكم الله دوران ومدور ومسائل من الكشاتة والناس من شروق الشمس اليا المغيب ولا عينت شي، طيب يمكن يسأل واحدكم مدام تقدر تدور ليش تطلبنا، يارجال العشبة موسمية وخايف ان الصيف يجي ويقضي عليها نهائيا ولا لي قدرة انتظر للسنة الجاية، المطلوب الله يعافيكم اللي يعرف العشبة او النبتة في مكان موثوق ومعروف (لأني تعبت من كلام الناس رح هنا وهناك) يرد لي خبر، واللي له قدرة يوصل العشبة وياخذ منها يخليهن عنده اوصله انا وآخذها منه كثير خير وابيض وجه، وكل شي بحقه انا مستعد ادفع لخمسمية ريال بالكيلو وانا اوصل الرجال وآخذها منه ولايخدم بخيل، عشان مايفهمني احد غلط العشبة مذكورة في علاج السرطان ولها تأثير قوي وفعال جدا مذكور عند الأولين والتالين، في النهاية ابغى تساعدوني انكم تدورون هالعشبة وهي مذكورة لي في جلاجل والأرطاوية وشعيب حسلات جنوب الرس ولينة وفي جنوب المملكة وفي أغلب الديار اللي ارضها نفود او شعيب لين ماهو وعر، واظن ذكر لي احدهم انه بالجنوب يسمى "بصل ابو حصين" او "فص الجن"

في النهاية كل الشكر لكل من مر على الموضوع واثر بمعلومة او دعوة من طيب نفسه، العشبة صورها مرفقة، واتمنى من الادارة تسمح لي بوضع رقم الجوال والأيميل كعرفان منهم لحالتي وظرفي، دمتم بود والسلام ... أخوكم ابومحمد
رقم الجوال/ 0566178627
الإيميل/ [email protected]

http://www.alrassxp.com/uploaded21/2716/51330259811.jpg

http://www.alrassxp.com/img/upload/26.jpg

http://www.mekshat.com/pix/upload/im...33er4e1919.jpg

http://alsirhan.com/Plants_s/images/...rinchium_2.jpg

http://www.mekshat.com/pix/upload02/.../mk28316_7.jpg

http://www.mekshat.com/pix/upload02/.../mk28316_8.jpg