منتدى استراحات زايد - ^^^ تجربتي بعد تغيير وقود الجمس من 95 إلى 91 ... والتغيرات اللي حصلت ^^^

بسم الله الرحمن الرحيم

السلام عليكم ورحمة الله وبركاته

كنت متردد قبل التغيير لأن كل ما سألت واحد قاال لا تغير وعزمت أني أغير البنزن و هذه تجربتي بعد ما غيرت بنزين السيارة من 95 إلى 91 ..

نبدأ بالتفصيل :

السيارة جمس إنفوي 2005 __ 6 سلندر .

المشاكل اللي كنت أعاني منها قبل التغيير :

1- ضعف بعزم السيارة بشكل غير طبيعي : يعني بوقت السفر إذا أرتفع الخط سرعة السيارة تصل إلى مية وأقل .

2- السيارة تطفي كل فترة .. أحطها بالd وتطفي .. والفترة الأخيرة صارت متكرره ..

3- رجه قويه والسيارة على d وماسك فرمله .

4- لمبة المكينة كانت والعة على طول .

5- الصرفية الزائدة والتكلفة ..الفل بين 50 إلى 60 ريال

_ الفروق بعد التغيير إلى 91 :

1- عزم السيارة تغير 180 درجة إلى الأفضل .

2- السيارة ما عمرها طفت بعد ماغيرت البنزين لها الآن تقريبا 4 شهور .

3- الرجه خفت بشكل ملحوظ .

4- لمبة المكينة طفت وبعض الأحيان تشتغل بس الأغلب إنها طافية .

5- قلت صرفية البنزين والتكلفة وصرت بدال ما أفلل السيارة ب60 ريال صرت أفللها من 35 إلى 40 ..

هذه التجربة اللي حبيت أفيدكم
وأعذرونا إن كان من قصور بالشرح

تقبلوا تحياتي أخوكم : ماهر الحربي

والسلام عليكم ورحمة الله وبركاته