| محروم.كوم | 04-27-2009 01:00 AM |
فشلوني الله يفشلهم !!!!!!!!!!
تحياتي للجميع احببت اشارككم في ماحصل معي يوم الخميس الفائت حيث جائني بعض الزملاء من خارج الرياض ولزمت عليهم باالغدا وقبلو الدعوه وشرفوني في محلي وقهويتهم وهبهبت ارياحهم وطمرت لأحد المطاعم المشهوره القريبه من بيتي في حي الروضه علي شارع انكاس واخذت من عنده ذبيحه مندي وسعرها اغلي من السوق بس مضطر وكذلك سمعتهم العاليه باالطبخ وجبتها للبيت وقلطت الجماعه ويم بدينا الأكل والله ياجماعه تقول طابخين(مفطح كلب ) اعزكم الله لحم اسود وريحته معفنه والله ماقدرنا ناكل حسبي الله عليهم فشلوني حتي الغش وصل للذبايح وين كلامهم نعيمي وبري شكيت علي زملاي باالعمل قالو مطعم الرمنسيه يطبخ كل ذبايحه باكستانيه مبرده والناس متوهقه فيه وإذا جيتهم كلهم زيود مترززين بهاالشمغ والعقل تقول عيال الديره وين جهات الأختصاص عنهم وامثالهم اخاف الشرط اربعون الله يخلف 00نحياتي 0 | 