اليوم كتب الله لنا عمر جديد
 

السلام عليكم
اليوم كتب الله لنا عمر جديد كنت في رحله من اجل صيد الضبان في جبال عليه غرب الدلم طبعا اللي يعرف جبال عليه هي اعلى سلسة جبال طويق وعرة في بعض اجزائها طبعا انت فيها معرض للهلاك لقلة الطرقي فيها وحرارة الجو ولافيه ابراج
المهم اللي صار طلعت انا وزميلي بسيارتي من نوع جيب وطلعنا من الدلم الساعه تسعه الصباح وعند وخرجنا من فوق الخبي لكون الطريق اسهل واقل وعورة وبعد وصولنا منطقةاسمها قرىشنه وهي في جبال عليه بالقرب من الحريق ومعنا شوية موية لاننا اعتمدنا على الصيد بالخرازة ويوم جت الساعه وحده حصل لنا بنشر تصوروا الموقف والحرارة والضمى سبب كتابتي للموضوع ابي اعلم بعض الاشخاص اللي يطلعوا لها الاماكن المعزوله والخطرة انهم ما يتهاونوا في الموضوع طبعا نزلنا وغيرنا الكفر بس تعبنا تعب ما يعلمه الا الله سبحانه ولا شفنا ولازول شخص ابي انبه على اشياء مهمه
1- لاتعتمد على المويه بس لابد يكون معك تمر واي شي فيه سكريات
2-لاتتعب نفسك بتغييرالبنشر خذها ايزي ووناسه وكل فترة ارتح
3- لاتعتمد علىرافعه سيارة الجيب لابد يكون معك رافعه زي حقت البناشر اريحلك
4- خبر اهلك عن مكانك وانك اذا مارجعت يبلغوا علىطول الدفاع المدني
5- لاتحاول تتعرف على الكشاته خاصه في الاماكن المعزوله الا للضرورةانت ما تدري وش وضعهم
6-لابد ماجلان وخاصة زي جبال عليه ولا تعتمد عليه كثير لان جبال عليه سبق ان مات فيه ثلاثة اشخاص قبل كم سنه واحد من منهم من اعز اصدقائي بسبب العطش
7- لاتجعل الضبان سبب في هلاك ترىمافيه خير في هواية بتروح فيها نفس
ملاحظة جميع ما ذكر ما سويت ولا وحده منها ولكن حبيت الجميع يقرى ما تعرضت له وعشان الشباب وهم في هالقسم يقترحون الاجهزة والوسائل المناسبة اللي ان شاء الله تكون سبب في انقاذ حياة كثير من الشباب
اتمنى ما ينط احد من المشرفين وينقله احبه يكون هنيه في هالقسم والسلام عليكم