مطلوب فزعه لمن لديه الخبره عاجلآ
 

السلام عليكم ورحمة الله وبركاته
أسعد الله اوقاتكم بالخير
أخواني المكشاتيه الأفاضل
عندي مشكله ولا أستغني من فزعتكم وخبرتكم فيها وهي ملخصه بما يلي :
السياره نيسان باترول 2007 / 4800 العداد 114 تقريبآ
يوم الخميس وانا اراجع من كشته وكنا طول اليوم نمشي ماتوقفنا من الساعه 10 الصباح تقريبا وطلعنا الزفلت الساعه 6 المغرب تفاجأت بالمشاكل التاليه :
1- السياره أول تقطع على 210 بالراحه عقبها يادوب يوصل معي 160 وبالقوه بعد .
2- كلما حاولت ازيد السرعه يسحب نمره ويوصل 180 واذا رفعت من البنزين شوي عشان يريح القير من النمره تراجع السرعه على طول لحد ماتوقف على 170 .
3- كأن صوت السياره متغير علي أسمع مثل الحنه .
4- القير أول ماتمشي السياره مايبدل النمره مثل أول ارفع رجلي شوي عشان يبدل .
السؤال هل للكفرات ارتباط بالعزم حيث اني مغير طقم جديد دنلوب بس غيرت المقاس الى العريض 285 /17/65 أعرض من الأول .
زيت القير دوبي مغيره بالوكاله قبل 5 أشهر .
السيور كامله دوبي مغيرها قبل 20 يوم .
الزيت كلها تمام
موية الرديتر تمام
حبيت أني أخذ الخبر منكم قبل لأتوجه للصناعيه
علمآ ان السياره واقفه ماستخدمها إلا للطلعات .
وجزاكم الله الف خير