منتدى استراحات زايد - زيت الدبل والقير العادي

السلام عليكم

كثيراً مايطرح استفسار عن تغير زيت القير والدبل العادي لكن الاجابات دائماً ماتكون متناقضه احد يؤيد تغيير الزيت والطرف الاخر يرفض معللاً سبب الرفض بظهور اصوات وغيره

الحقيقه انا صارت لي تجربه وحبيت افيدكم فيها ..

السياره / لاندكروزر قير عادي
الموديل / 2007
الاستخدام / شاق (خطوط وسرعه وبر)

التجربه كالتالي عند 190 الف كم تفقعت صوف الدبل وتم تغيير طقم صوف للدبل وصوفه خلفيه للقير والسبب حسب كلام اللي اشتغل فيه يقول الزيت اذا احترق فقع الصوف مع الحرارة طبعاً تم استبدال الزيت بزيت فوكس 90 (وهنا حدث خطاء) وهو استخدام فوكس طبعاً اختلف علي الموتر بالتعشيق صار ثقيل واذا مشيت اكثر من 200 كم ووقفت التعشيق فيه صعوبه شوي ولم يظهر لا اصوت ولاغيره عند 250 الف انفقعت صوفه الدبل الاماميه فقط وتم اصلاحه عند ورشه اخرى ونفس الكلام يقول الكلام يقول الزيت معدوم جداً ونصحني مااستخدم إلا زيت اي سي دلكو 90 قيمته من 30-35 ريال للتر قلت اجل غير زيت القير قال على مسؤليتك قلت على مسؤليتي لانه فوكس اكيد بيكون معدوم زي زيت الدبل وفعلاً يوم فتح الصرة طلع زي الماء بس أسود وعباه اي سي ديلكو 90 اربع علب تقريباً

الشاهد ان تعشيق القير صار سلس وسافرت على الموتر وختفت مشكله صعوبه التعشيق بعد 200 كم ولاطلع لااصوات ولاغيره

الخلاصه بعد هالتجربة ان زيت القير والدبل المفروض يغيير كل 100 الف كم او أقل بشرط يكون زيت اصلي مثل اي سي ديلكو 90 وانتبه تقرب لبترومين او فوكس وغيرهم تراهم دمار من تجربة

المهم يااخواني هذه مجرد تجربة لست مسؤلاً عن احد يغير وتصير عنده مشكله ويجي يقول وهقتني;)

دمتم بحفظ الله